Post News Media ព័ត៌មានជាតិ ក្មេងទំនើង១ក្...

ក្មេងទំនើង១ក្រុម ដេញវាយតប់គ្នាផ្អើលពេញក្រុងបាត់ដំបង ត្រូវសមត្ថកិច្ចក្របួចជាប់ទាំងអស់

ចែកចាយបន្ត

បាត់ដំបង: តាមសេចក្តីរាយការណ៍ពីភ្នាក់ងារPost Newsប្រចាំខេត្តបាត់ដំបង បានឲ្យដឹងថា សមត្ថកិច្ចបានធ្វើការបង្ក្រាបបាន ក្រុមក្មេងទំនើងបានចំនួន១ក្រុម កាលពីវេលាម៉ោង៦ និង៣០នាទីល្ងាច ថ្ងៃទី៨ ខែឧសភា ឆ្នាំ២០១៧ ស្ថិតនៅចំណុចព្រលានយន្តហោះ ក្នុងក្រុមទី១ ភូមិរំចេក៤ សង្កាត់រតន: ក្រុងបាត់ដំបង ខេត្តបាត់ដំបង។

ការបង្ក្រាបនេះដែរ មានការដឹកនាំកម្លាំងដោយអធិការដ្ឋាននគរបាលក្រុង
បាត់ដំបង សហការជាមួយកម្លាំងប៉ុស្តិ៍នគរបាលរដ្ឋបាលរដ្ឋបាលរតន:។ ជាក់ស្តែងបង្ក្រាបបានក្រុមក្មេងទំនើងមួយក្រុមដែលមានគ្នា១០នាក់ បានបង្កវាយតប់
គ្នាទៅវិញទៅមក និងធ្វើឲ្យប៉ះ ពាល់ដល់សន្តិសុខសណ្តាប់ធ្នាប់សាធារណ: ទី១
ឈ្មោះ នឿម សីហា ភេទប្រុស អាយុ១៧ឆ្នាំ ស្នាក់នៅភូមិកំពង់អំពិល ឃុំតាមឹម ស្រុកសង្កែ ខេត្តបាត់ដំបង, ទី២ឈ្មោះ ធី ធារ៉ា ភេទប្រុស អាយុ១៧ឆ្នាំ,ទី៣ឈ្មោះ កិ មូយ ភេទប្រុស អាយុ១៧ឆ្នាំ, ទី៤ឈ្មោះ ពុទ្ធ វេង ភេទប្រុស អាយុ១៧ឆ្នាំ, ទី៥ឈ្មោះ ពៅ នី ភេទប្រុស អាយុ១៧ឆ្នាំ, ទី៦ឈ្មោះ វុធសាន់ទិ ភេទប្រុស អាយុ១៤ឆ្នាំ,ទី៧ឈ្មោះ ឃឿន ឃុន ភេទប្រុស អាយុ១៤ឆ្នាំ, ទី៨ឈ្មោះ មាន ចាន់ណា ភេទប្រុស អាយុ១៧ឆ្នាំ,ទី៩ឈ្មោះ ហត ថា ភេទប្រុស អាយុ១៧ឆ្នាំ និងទី១០ឈ្មោះ ឡៃ ខាន់ ភេទប្រុស អាយុ១៦ឆ្នាំ ។ អ្នកទាំង៩នាក់ ស្នាក់នៅភូមិបឹងទឹម ឃុំតាប៉ុនស្រុកសង្កែ ខេត្តបាត់ដំបង។

បច្ចុប្បន្ន ក្រុមក្មេងទំនើងខាងលើ ត្រូវបានសមត្ថកិច្ចបញ្ជូនមកកាន់អធិការដ្ឋាននគរបាលក្រុង បាត់ដំបង ដើម្បីធ្វើការអប់រំ និងធ្វើកិច្ចសន្យារួចឲ្យអាណាព្យាបាល មកធានាយកទៅវិញរៀងៗខ្លួន៕