Post News Media ព័ត៌មានជាតិ ឃាត់ខ្លួនបុរស...

ឃាត់ខ្លួនបុរស២នាក់ ពាក់ពន្ធ័នឹងករណីប្រើប្រាស់គ្រឿងញៀនខុសច្បាប់

ចែកចាយបន្ត

មណ្ឌលគិរី: លោកអធិការរងស្រុកកែវសីមា បានប្រាប់ Post News ថា ជនសង្ស័យ២នាក់ ត្រូវបានសមត្ថកិច្ចឃាត់ខ្លួន ពាក់ពន្ធ័នឹងករណីប្រើប្រាស់គ្រឿងញៀនខុសច្បាប់។

ការចាប់ឃាត់នេះបានធ្វើឡើងកាលពីវេលាម៉ោង៨និង៤៧នាទី យប់ថ្ងៃទី៨ ខែឧសភា ឆ្នាំ២០១៧ នៅចំណុចគីឡូម៉ែត្រ១៦៨(ក្នុងព្រៃ) ស្ថិតក្នុងភូមិអណ្ដូងក្រឡឹង ឃុំសែនមនោរម្យ ស្រុកអូររាំង ខេត្តមណ្ឌលគិរី។

លោកអធិការរងបន្តថា មុនឈានដល់ការចាប់ឃាត់ខ្លួន កម្លាំងជំនាញការិយាលយ័គ្រឿងញៀនខេត្ត បានចុះបង្ក្រាបករណីប្រើប្រាស់ដោយខុសច្បាប់នូវសារធាតុញៀនដែលប្រព្រឹតនៅចំណុចកើតហេតុខាងលើ ឃាត់ខ្លួនជនសង្ស័យ២នាក់ នៅទល់មុខអធិការដ្ឋាននគរបាលស្រុកកែវសីមា
ទី១ឈ្មោះ មួន កំសត់ ភេទប្រុស អាយុ៣០ឆ្នាំ ស្នាក់នៅភូមិពូទុង ឃុំផ្លាស់ ស្រុកកែវសីមា ខេត្តមណ្ឌលគិរី និងទី២ឈ្មោះ មាន ក្រឹម ភេទប្រុសអាយុ២៤ឆ្នាំ ស្នាក់នៅភូមិទួល ឃុំមេម៉ង់ ស្រុកកែវសីមា ខេត្តមណ្ឌលគិរី។

បច្ចុប្បន្ន ជនសង្ស័យទាំង២នាក់ សមត្ថកិច្ចណែនាំអប់រំ និងធ្វើកិច្ចសន្យានិងប្រគល់អាណាព្យាបាលអប់រំបន្ត៕