Post News Media ព័ត៌មានជាតិ ម៉ូតូសេ១២៥ បុ...

ម៉ូតូសេ១២៥ បុកជាមួយគោយន្តកែច្នៃដឹកស្រូវពេញទំហឹង របួសធ្ងន់២នាក់

ចែកចាយបន្ត

កណ្តាល: គ្រោះថ្នាក់ចរាចរណ៍មួយបានកើតឡើង បន្ទាប់ពីម៉ូតូម៉ាកសេ១២៥ មួយគ្រឿងបើកលឿនទៅបុកគោយន្តកែច្នៃដឹកស្រូវ មួយគ្រឿង ពេញទំហឹង បណ្តាលឲ្យមនុស្ស២នាក់រងរបួសធ្ងន់ ត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យ។

ហេតុការណ៍នេះបានកើតឡើងកាលពីវេលាម៉ោង១០ព្រឹក ថ្ងៃទី៩ ខែឧសភា ឆ្នាំ២០១៧ ស្ថិតនៅចំណុចផ្លូវជាតិលេខ២១ គល់ស្ពានព្រែកវត្តកោះទៀវ ក្នុងភូមិកោះទៀវ(ខ) ឃុំសំពៅពូន ស្រុកកោះធំ ខេត្តកណ្ដាល។

សមត្ថកិច្ចបានឲ្យដឹងថា គ្រោះថ្នាក់ចរាចរណ៍នេះ កើតឡើង រវាងគោយន្តកែច្នៃនិង ម៉ូតូ ដែលបើកបរក្នុងទិសដៅបញ្រ្ចាសគ្នា ធ្វើឲ្យមនុស្ស២នាក់ របួស ទី១ឈ្មោះ ជិន ឆៃ ភេទប្រុស អាយុ២៦ឆ្នាំ មុខរបរកសិករ ស្នាក់នៅៗភូមិព្រែកប្រធាតុ ឃុំ ព្រែកស្តី ស្រុកកោះធំ ខេត្តកណ្ដាល ជាអ្នកបើកបរម៉ូតូម៉ាកហុងដាសេ១២៥ ស៊េរី២០១០ ពណ៌ខ្មៅ អត់ស្លាកលេខ អត់កញ្ចក់ អត់ពាក់មួក បើកបរក្នុងទិសដៅពីត្បូងទៅជើង (រងរបួសធ្ងន់បាក់ជើងខាងឆ្វេង) ត្រូវបានក្រុមគ្រួសារយកទៅព្យាបាល នៅមន្ទីពេទ្យភ្នំពេញ ។ចំណែកអ្នករួមដំណើរម្នាក់ទៀត មានឈ្មោះ សុង តុង ភេទប្រុស អាយុ១៤ឆ្នាំ មុខរបរកសិករ ស្នាក់នៅភូមិ-ឃុំ ជាមួយគ្នា អត់ពាក់មួករបួសធ្ងន់បាក់ជើងខាងឆ្វេង ត្រូវក្រុមគ្រួសារបញ្ជូនទៅព្យាបាលនៅមន្ទីរពេទ្យភ្នំពេញ។

ចំណែកអ្នកបើកបររថយន្តកែច្នៃមានឈ្មោះ ចាន់ សូ ឡា ភេទប្រុស អាយុ៣០ឆ្នាំ មុខរបរបើកបរ ស្នាក់នៅភូមិព្រែកស៊ឹង ឃុំសំពៅពូន ស្រុកកោះធំ ខេត្តកណ្ដាល បើកបរគោយន្តកែច្នៃ ម៉ាកនីសាន់ ពណ៌ខៀវ អត់ស្លាកលេខ ដឹកបាវស្រូវ បើកបរក្នុងទិសដៅពីជើងទៅត្បូង (តាខ្មៅ ជ្រៃធំ ) គេចខ្លួនមុនពេលសមត្ថកិច្ចទៅដល់កន្លែងកើតហេតុ ។

ក្នុងនោះដែរសមត្ថកិច្ច បានបញ្ជាក់បន្ថែមថា គ្រោះថ្នាក់នេះ បង្កឡើងដោយជនរងគ្រោះ បើកបរម៉ូតូមានល្បឿនលឿន ខ្វះការប្រុងប្រយ័ត្ន ដល់ចំណុចលើស្ពាន មិនបន្ថយល្បឿន ពេលគោយន្ត ចូលដល់គៀក គល់ស្ពាន ម៉ូតូក៏ប៉ះកាងមុខគោយន្ត ខាងឆ្វេង ដួលតែម្ដង។

បច្ចុប្បន្នមធ្យោបាយធ្វើដំណើរទាំង២គ្រឿង ត្រូវបានសមត្ថកិច្ចធ្វើការវាស់វែងយកមករក្សា ទុកនៅអធិការដ្ឋាន ដើម្បីរង់ចាំធ្វើការដោះស្រាយគ្នាពេលក្រោយតាមផ្លូវច្បាប់៕

ចែកចាយបន្ត