Post News Media ព័ត៌មានជាតិ ដើមឈើមួយដើមរល...

ដើមឈើមួយដើមរលំបាក់តាមបណ្តោយផ្លូវកម្ពុជាក្រោមទាំងកណ្តាលយប់!

ចែកចាយបន្ត

ភ្នំពេញ: ដើមឈើដ៏ធំមួយដើម បានបាក់រលំ មកលើផ្លូវកម្ពុជាក្រោម ទាំងកណ្តាលយប់ សំណាងដែលមិនរលំលើរថយន្តនិងម៉ូតូ ដែលកំពុងធ្វើដំណើរតាមដងផ្លូវ ។

ហេតុការណ៍នេះបានកើតឡើងនៅវេលាម៉ោង១២ និង៣០យប់ ឈានចូលថ្ងែទី១០ ខែឧសភា ឆ្នាំ២០១៧ ស្ថិតនៅតាមបណ្តោយផ្លូវកម្ពុជាក្រោម ក្នុងសង្កាត់ផ្សារដេប៉ូ ៣ ខណ្ឌទួលគោក ក្បែរស្តុបដេអិនញា រាជធានីភ្នំពេញ។

បើតាមប្រភពព័ត៌មានពីកន្លែងកើតហេតុបានឲ្យដឹងថា នៅពេលដែលមានខ្យល់ខ្លាំងកាលពីមានភ្លៀងធ្លាក់ រយ:ពេលថ្ងៃមុខ ស្រាប់តែមិនដឹងយ៉ាងម៉េច នូវយប់ថ្ងៃកើតហេតុនេះ ដើមឈើមួយនេះ បានបាក់រលំនៅលើផ្លូវកាត់ទទឹងផ្លូវ ពាក់កណ្តាលមិនអាចធ្វើដំណើរបានតែម្តង តែទោះបីជាយ៉ាងណា ការបាក់រលំដើមឈើដ៏ធំនេះ មិនបណ្តាលឲ្យនរណាម្នាក់រងរបួសនោះឡើយ ។

ប្រជាពលរដ្ឋនៅម្តុំបាននិយាយអាជ្ញាធរសង្កាត់ និងដូចជាថ្នាក់ខណ្ឌទួលគោក ដូចមិនសូវយកចិត្តទុកដាក់រឿងបាក់រលំដើមឈើទទឹងផ្លូវនេះឡើយ ឬពួកគាត់ រង់ចាំព្រឹកឡើងទើបកាប់ចេញនោះ គឺអាចនិងស្ទះចរាចរណ៍ណាស់ ដោយសារដើមឈើបាក់បិតផ្លូវមួយចំហៀងតែម្តង ហើយណាមួយយប់ចឹងស្រួលធ្វើការ ដោយមិនសូវមានអ្នកធ្វើដំណើរច្រើន៕