Post News Media ព័ត៌មានជាតិ ឃាត់ខ្លួនមេខ្...

ឃាត់ខ្លួនមេខ្លោងជួញដូរគ្រឿងញៀនម្នាក់ ដកហូតបានជិត១០កញ្ចប់!

ចែកចាយបន្ត

ភ្នំពេញ: កម្លាំងនគរបាលខណ្ឌពោធិ៍សែនជ័យ ធ្វើកាឃាត់ខ្លួនជនសង្ស័យម្នាក់ ដែលជាមេខ្លោងធ្វើសកម្មភាព ចែកចាយគ្រឿងញៀនខុសច្បាប់ ដកហូតបានថ្នាំញៀន៩កញ្ចប់ធំនិងតូច។

ការឃាត់ខ្លួននេះបានធ្វើឡើងកាលពីវេលាម៉ោង១និង៣០នាទី រសៀលថ្ងៃទី១២ ខែមេសា ឆ្នាំ២០១៧ ស្ថិតនៅចំណុចផ្លូវបេតុង ភូមិថ្មគោល សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។

ជនសង្ស័យដែលឃាត់ខ្លួនបានខាងលើ មានឈ្មោះ ជា យ៉េង ភេទប្រុស អាយុ៣១ឆ្នាំ មុខរបរលក់ថ្នាំញៀន ស្នាក់នៅផ្ទះឃាត់ខ្លួនខាងលើ។

លោកវរសេនីយ៍ឯក យឹម សារ៉ាន់ បានឲ្យដឹងថា ដោយមានការរាយការណ៍ពីប្រជាពលរដ្ឋ ថានៅចំណុចខាងលើ មានការជួញដូរថ្នាំញៀន យ៉ាងគគ្រឹកគគ្រេង ខណ:ពេលទទួលបានព័ត៌មាននេះភ្លាម លោកក៏បានបញ្ជា កម្លាំងជំនាញឲ្យចុះទៅស្រាវជ្រាវជាលទ្ធផលកម្លាំងនគរបាលខណ្ឌពោធិ៍សែនជ័យ បានឃាត់ខ្លួនបានមេខ្លោងចែកចាយគ្រឿងញៀនបានម្នាក់ រួមនឹងវត្ថុតាង ថ្នាំញៀន៨កញ្ចប់ធំ និង១កញ្ចប់តូច រួមទាំងសម្ភារ:សម្រាប់ប្រើប្រាស់គ្រឿងញៀនមួយចំនួន។

បច្ចុប្បន្នជនសង្ស័យខាងលើ រួមនឹងវត្ថុតាង ត្រូវបានសមត្ថកិច្ចបញ្ជូនខ្លួនទៅកាន់អធិការដ្ឋាននគរបាលខណ្ឌពោធិ៍សែនជ័យ ដើម្បីកសាងសំណុំរឿងបញ្ជូនទៅតុលាការចាត់តាមផ្លូវច្បាប់៕

ចែកចាយបន្ត