Post News Media ព័ត៌មានជាតិ ឆក់កាបូបគេបាន...

ឆក់កាបូបគេបានសម្រេចរត់មិនរួច ត្រូវពលរដ្ឋចាប់បានម្នាក់

ចែកចាយបន្ត

ភ្នំពេញ: ជនសង្ស័យម្នាក់ ក្នុងចំណោមបក្ខពួក២នាក់ត្រូវបានប្រជាពលរដ្ឋចាប់ឃាត់ខ្លួនប្រគល់ឲ្យសមត្ថកិច្ចប៉ុស្តិ៍ទឹកថ្លា ខណ: ធ្វើសកម្មភាពឆក់យកកាបូបពីកម្មការិនីម្នាក់ បានសម្រេច តែជិះម៉ូតូគេចខ្លួនទៅបុកនិងទួលដែលកាត់ទទឹងបណ្តាលឲ្យធ្លាក់អ្នកក្រោយ ដោយឡែកអ្នកឌុបគេចខ្លួនបាត់។

ហេតុការណ៍នេះបានកើតឡើងកាលពីវេលាម៉ោង៧ព្រឹក ថ្ងៃទី១៣ ខែឧសភា ឆ្នាំ២០១៧ ស្ថិតនៅផ្លូវលំ ភូមិស្លែងរលើង សង្កាត់ទឹកថ្លា ខណ្ឌសែនសុខ រាជធានីភ្នំពេញ។

សមត្ថកិច្ចបានឲ្យដឹងថា ជនសង្ស័យមានឈ្មោះ ហេង ម៉េងហុង អាយុ១៧ឆ្នាំ មុខរបរមិនពិតប្រាកដ ស្នាក់នៅភូមិថ្មី សង្កាត់ស្ទឹងមានជ័យ ខណ្ឌមានជ័យ។

ចំណែកនារីរងគ្រោះជាម្ចាស់កាបូបឈ្មោះ ពើម ហួច មុខរបរកម្មការនីរោងចក្រកាត់ដេរ ជីនវីន អ៊ីនដាស់ស្ទ្រី ស្នាក់នៅផ្ទះជួលក្រុម១ផ្លូវ លំភូ មិស្លែងរលើងសង្កាត់ទឹកថ្លាខណ្ឌសែនសុខ(កាបូបយកបានវិញ)។

ប្រភពព័ត៌មានបានប្រាប់ឲ្យដឹងថានៅមុនពេលកើតហេតុស្ត្រីរងគ្រោះបានដើរទៅធ្វើការដោយកាន់កាបូបពណ៌សូកូឡានៅជាប់ដៃឆ្វេង ខណ:នោះស្រាប់តែមានជនសង្ស័យ២នាក់ ជិះម៉ូតូគុបជ្រុង ពណ៌ទឹកប៊ិច មកធ្វើសកម្មភាពឆក់យកកាបូបពីដៃនាងបានសម្រេច ហើយព្យាយាមបើករត់ ក៏ទៅបុកនិងទួលដែលប្រជាពលរដ្ឋចាក់កាត់ទទឹងផ្លូវបណ្តាលឲ្យធ្លាក់ជនសង្ស័យម្នាក់ខាងក្រោយត្រូវប្រជាពលរដ្ឋឃាត់បានហើយម្នាក់ទៀតជិះម៉ូតូគេចបាត់កូនកាបូបយកបានប្រគល់ឲ្យម្ចាស់វិញ។

បច្ចុប្បន្នជនសង្ស័យត្រូវបានឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌសែនសុខ រង់ចាំបញ្ជូនទៅសាលាដំបូងរាជធានីភ្នំពេញពេលក្រោយ៕