Post News Media ព័ត៌មានជាតិ ឆក់ទូរសព្ទពីទ...

ឆក់ទូរសព្ទពីទឹកដីខណ្ឌសែនសុខ តែត្រូវសមត្ថកិច្ចខណ្ឌពោធិ៍សែនជ័យក្របួចបាន

ចែកចាយបន្ត

ភ្នំពេញ: សមត្ថកិច្ចខណ្ឌពោធិសែនជ័យ បានក្របួចចោរឆក់ដៃស្អិតម្នាក់ បន្ទាប់ពីបានធ្វើសកម្មកភាពឆក់ទូរសព្ទដៃ១គ្រឿងបានសម្រេច ពីចំណុចបុរីអាយឡែន សង្កាត់ភ្នំពេញថ្មី ខណ្ឌសែនសុខ ហើយបានបើកម៉ូតូរត់ចូលមកទឹកដីសង្កាត់កាកាប ខណ្ឌពោធិ៍សែនជ័យ ក៏ត្រូវឃាត់ខ្លួនបានតែម្តង។

នៅវេលាម៉ោង៧យប់ ថ្ងៃទី១៣ ខែឧសភា ឆ្នាំ២០១៧ នៅចំណុចផ្លូវបេតុងភូមិតាងួន សង្កាត់កាកាប ខណ្ឌពោធិ៍សែនជ័យ រាជធានីភ្នំពេញ។

ជនសង្ស័យឈ្មោះ ផាន សៀងអ៊ួ អាយុ១៧ឆ្នាំ មានស្រុកកំណើត ក្រុងសួង ខេត្តកំពង់ចាម បច្ចុប្បន្នស្នាក់នៅក្រោយទីក្រុងអង្គរ ភូមិត្រពាំងល្វា សង្កាត់កាកាប ខណ្ឌពោធិ៍សែនជ័យ រាជធានីភ្នំពេញ។ ក្នុងនោះដកហូត៖ដែកស្រួចសម្រាប់កាច់សោ កម៉ូតូ១ ,សោលេខ៨ចំនួន១, សោឡានចំនួន១, សោម៉ូតូ២, ដែកតូចស្មើៗចំនួន២សម្រាប់ឆ្កឹះសោបន្ទប់ និងម៉ូតូម៉ាកស្មាស់វី១គ្រឿងស្លាកលេខ1DA-0066។

បច្ចុប្បន្នជនសង្ស័យ ត្រូវបានសមត្ថកិច្ចប៉ុស្តិ៍កាកាប កសាងសំណុំរឿងប្រគល់ទៅឲ្យប៉ុស្តិ៍ភ្នំពេញថ្មីវិញដើម្បីបន្តអនុវត្តតាមនិតិវិធី៕