Post News Media ព័ត៌មានជាតិ ឃាត់ខ្លួនប្រុ...

ឃាត់ខ្លួនប្រុសស្អាត២នាក់ ពាក់ពន្ធ័ករណីជួញដូរគ្រឿងញៀន

ចែកចាយបន្ត

កណ្តាល: ជនសង្ស័យចំនួន២នាក់ ត្រូវបានកម្លាំងនគរបាលធ្វើការឃាត់ខ្លួន បន្ទាប់ពីត្រួតពិនិត្យរកឃើញមានថ្នាំញៀនជាប់នឹងខ្លួន។

ការឃាត់ខ្លួននេះបានធ្វើឡើងកាលពីវេលាម៉ោង១១និង២០នាទី យប់ថ្ងៃទី១៣ ខែឧសភា ឆ្នាំ២០១៧ ស្ថិតនៅក្នុងភូមិតារាបដូនស ឃុំគគីរ ស្រុកកៀនស្វាយ ខេត្តកណ្ដាល។

ជនសង្ស័យចំនួន២នាក់ ទី១.ឈ្មោះ នេត ស៊ីដានាថ ភេទប្រុស អាយុ២៦ឆ្នាំ មុខរបរ មិនពិតប្រាកដ ស្នាក់នៅភូមិព្រែកបំប្រកខាងត្បូង សង្កាត់កាកាប ខណ្ឌពោធិ៍សែនជ័យ និងជនសង្ស័យទី២.ឈ្មោះ រស់ ជីវន័ ភេទប្រុស អាយុ២៣ឆ្នាំ មុខរបរ មិនពិតប្រាកដ ស្នាក់នៅភូមិតារាបដូនស ឃុំគគីរ ស្រុកកៀនស្វាយ ខេត្តកណ្ដាល។

ក្នុងនោះដែរ សមត្ថកិច្ចធ្វើការដកហូតបាន វត្ថុតាងរួមមាន ម្សៅក្រាមថ្លាពណ៌ស សង្ស័យសារធាតុញៀនចំនួន៣កញ្ចប់តូច, ទូរសព្ទ២គ្រឿង ក្នុងនោះ១គ្រឿងម៉ាកI Phone6 Plus ពណ៌ទឹកមាស និងមួយគ្រឿងទៀតម៉ាក IPhone 5s ពណ៌ទឹកមាស,កាបូបដៃចំនួន១ ,ប័ណ្ណបើកបរចំនួន១,អត្តសញ្ញាណប័ណ្ណសញ្ជាតិខ្មែរហ្វូតូ ចំនួន១សន្លឹក,ប្រាក់១ដុល្លារ,ប្រាក់រៀលចំនួន ៨,១០០រៀល និងម៉ូតូ១គ្រឿងម៉ាកហុងដាសេ១១០ (សង់ប៊ិច) ស៊េរីឆ្នាំ២០១២ ពណ៌ខៀវ ពាក់ស្លាកលេខ ភ្នំពេញ1BE-9197 គ្មានក្បាំងខាងមុខ។

មុននឹងឈានដល់ការឃាត់ខ្លួនបានជនសង្ស័យខាងលើ កម្លាំងនគរបាលប៉ុស្តិ៍គគីរ បានចុះល្បាតក្នុងភូមិសាស្ត្ររបស់ខ្លួនលុះមកដល់ចំណុចកើតហេតុខាងលើ ស្រាប់តែឃើញជនសង្ស័យទាំង២នាក់ កំពុងជិះម៉ូតូឌុបគ្នាដោយមានការសង្ស័យ កម្លាំងប៉ុស្តិ៍បានហៅឲ្យឈប់ដើម្បីសួរនាំ រួចធ្វើកាឆែកឆេរ ក៏ឃើញមានថ្នាំញៀនចំនួន៣កញ្ចប់នៅនឹងឈ្មោះរស់ ជីវ័ន ភេទប្រុស បន្ទាប់មកឈ្មោះ រស់ ជីវ័ន ភេទប្រុស បានឆ្លើយសារភាពថា ថ្នាំញៀនចំនួន៣កញ្ចប់តូចនេះខ្លួន និងឈ្មោះ នេត ស៊ីដានាថ ភេទប្រុស យកយកទៅលក់ឲ្យឈ្មោះ តូនី ភេទប្រុស អាយុប្រហែល៣០ឆ្នាំស្នាក់នៅឃុំដីឥដ្ឋ ស្រុកកៀនស្វាយ ខេត្តកណ្ដាល រួចកម្លាំងនគរបាលប៉ុស្តិ៍គគីរបានបញ្ជូនជនសង្ស័យ ទាំង២នាក់ខាងលើ រួមនឹងវត្ថុតាងបញ្ជូនមកកាន់អធិការដ្ឋាននគរបាលស្រុកកៀនស្វាយ ដើម្បីចាត់ការតាមនីតិវិធីច្បាប់៕

ចែកចាយបន្ត