Post News Media ព័ត៌មានជាតិ អុញ! ប្តីដើម ...

អុញ! ប្តីដើម លួចដុតផ្ទះប្រពន្ធដែលរួមរស់ជាមួយប្តីក្រោយឆេះម៉ត់ បណ្តាលឲ្យម្ចាស់ផ្ទះរបួសធ្ងន់!

ចែកចាយបន្ត

សៀមរាប: លោកអធិការរងស្រុកប្រាសាទបាគង ទទួលផ្នែកព្រហ្មទណ្ឌ បានប្រាប់Post Newsថា មានករណីហិង្សារមួយបានកើតឡើង ដោយជនសង្ស័យជាអតីតប្តីដើម បានធ្វើសកម្មភាពលួចដុតផ្ទះស្ត្រីដែលធ្លាប់ជាប្រពន្ធ បណ្តាលឲ្យឆេះខ្ទេចគ្មានសល់ និងបណ្តាលឲ្យម្ចាស់ផ្ទះរងរបួសធ្ងន់ ត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យ។

ហេតុការណ៍នេះបានកើតឡើងកាលពីវេលាម៉ោង៣និង៤០នាទី ទៀបភ្លឺ ថ្ងៃទី១៤ ខែឧសភា ឆ្នាំ២០១៧ ស្ថិតនៅចំណុចភូមិគោកធ្លក ឃុំណ្ដែក ស្រុកប្រាសាទបាគង ខេត្តសៀមរាប។

ម្ចាស់ផ្ទះកើតហេតុខាងលើ មានឈ្មោះ វ៉ាង ព ជាអតីតប្រពន្ធ និងប្ដីក្រោយឈ្មោះ យ៉ុង បូរី អាយុ៥១ឆ្នាំ ស្នាក់នៅផ្ទះកើតហេតុខាងលើ។ ក្នុងនោះអគ្គិភ័យបានឆាបឆេះផ្ទះមួយខ្នង ដែលមានទំហំ៥ គុណ៦ម៉ែត្រ,ម៉ូតួសង់ មួយគ្រឿង ស៊េរីឆ្នាំ២០១៦ ,កង់មួយគ្រឿង និងសំភារះមួយចំនួនទៀត។ ដោយឡែកលុយកាក់មិនទាន់ដឹងអស់ចំនួនប៉ុន្មានទេ ព្រោះជនរងគ្រោះរបួសធ្ងន់ធ្ងរ បញ្ជូនទៅសម្រាកនិងព្យាបាលនៅមន្ទីពេទ្យ។ ចំណែកជនសង្ស័យវិញ ក្រោយពីធ្វើសកម្មភាពរួចហើយនោះ បានរត់គេចខ្លួនបាត់ស្រមោល៕