Post News Media ព័ត៌មានជាតិ ហ៊ីយ៉ាន់ដាយដឹ...

ហ៊ីយ៉ាន់ដាយដឹកទំនិញ បើកលឿនហោះទៅបុករថយន្តកុងតឺន័រកំពុងឈប់ស្ងៀមខ្ទេចក្បាលទាំងស្រុង ខ្ទាតរប៉ាត់រប៉ាយពេញផ្លូវ

ចែកចាយបន្ត

កំពង់ឆ្នាំង: លោកអធិការស្រុកកំពង់ត្រឡាច បានប្រាប់Post News ថា មានករណីគ្រោះថ្នាក់ចរាចរណ៍មួយកើតឡើងបន្ទាប់ពីរថយន្តម៉ាក ហ៊ីយ៉ាន់ដាយ បើកទៅបុករថយន្តនីសាន់ដែលកំពុងឈប់ស្ងៀម លាន់ដូចរន្ទះខ្ទេចក្បាលខាងមុខទាំងស្រុង ចំណែកអីវាន់ខ្ទាតរប៉ាត់រប៉ាយ។

ហេតុការណ៍នេះបានកើតឡើងកាលពីវេលាម៉ោង៤និង៣០នាទី ទៀបភ្លឺថ្ងៃ១៤ ខែឧសភា ឆ្នាំ២០១៧ នៅចំណុចចន្លោះគីឡូម៉ែត្រលេខ៥៥-៥៦ ភូមិព្រៃសិលា ឃុំឈូកស ស្រុកកំពង់ត្រឡាច ខេត្តព្រៃវែង។

លោកអធិការស្រុកកំពង់ត្រឡាចបន្តថា មុនពេលកើតហេតុ គេឃើញមានរថយន្តម៉ាក ហ៊ីយ៉ាន់ដាយ ពណ៌ខៀវ ពាក់ស្លាកលេខ ភ្នំពេញ3D-2908 អ្នកបើកបរឈ្មោះ រ៉ា ថុនា ភេទប្រុស អាយុ៣១ឆ្នាំ ស្នាក់នៅភូមិឃុំកកើតហេតុខាងលើ បើកបរពីទិសខាងជើងឆ្ពោះទៅទិសខាងត្បូងដោយងងុយដេក បានរេចង្កូតទៅបុករថយន្តម៉ាកនីសាន់ឌីសែល ពណ៌ស ពាក់ស្លាកលេខ បាត់ដំបង3A-1525 និងកន្ទុយរម៉កពាក់ស្លាកលេខ ភ្នំពេញ4A-2023 អ្នកបើកបរមិនស្គាល់ឈ្មោះ ក្នុងទិសដៅស្របគ្នា ពេញទំហឹង បណ្តាលឲ្យខ្ទេចក្បាលរថយន្តទាំងស្រុង និងខ្ទាតរប៉ាតរប៉ាយ។

ក្រោយពីកើតហេតុ សមត្ថកិច្ចបានចុះទៅដល់កន្លែងកើតហេតុ ធ្វើការវាស់វែង និងនាំយករថយន្តទាំង២គ្រឿង យកមករក្សាទុក រង់ចាំការដោះស្រាយគ្នាពេលក្រោយ៕

ចែកចាយបន្ត