Post News Media ព័ត៌មានជាតិ យកម៉ូតូមកទុកឲ...

យកម៉ូតូមកទុកឲ្យហើយ ខ្ចីម៉ូតូស្កូបពីជិះទៅទិញអីហូបតែមួយភ្លែតទៅបាត់រហូត

ចែកចាយបន្ត

ភ្នំពេញ: នារីវ័យក្មេងពិការជើងម្នាក់ បានមានទំនាក់ទំនងស្នេហា ជាមួយនិងបុរសម្នាក់យូរមកហើយ ប៉ុន្តែនាងមិនបាននិយាយថាចិត្តនិងចិត្តឬដល់រូបកាយនោះទេ ប៉ុន្តែពេលនាងប្រាប់ថានាងជាជនពិការទេ កុំស្រឡាញ់នាងអី បុរសនោះឆ្លើយថាទោះជាពិការក៏គេនៅតែស្រឡាញ់ដែរ ហើយទីបំផុតបុរសខាងលើបានជិះម៉ូតូហុងដាឌ្រីមស១២៥ កញ្ចាស់១គ្រឿង ទៅរកនាងដល់បន្ទប់ជួលតែម្ដង។ ក្រោយមកបុរសនោះបានលួងលោមខ្ចីម៉ូតូ ម៉ាកហុងដាស្កូបពី១គ្រឿងជិះរួចក៏យកទៅបាត់ស្រមោល ចំណែកនារីរងគ្រោះបន្ទាប់ពីចាំបាត់ៗ ហើយទូរសព្ទក៏ខលលែងចូលទៀតនោះ ទើបដឹងថាត្រូវជននោះ បោកប្រាស់រីឯម៉ូតូម៉ាកហុងដាឌ្រីមសេ១២៥ ដែលបុរសនោះជិះទៅរកនាងហើយទុកចោលនោះ មិនដឹងថាជា របស់បុរសខាងលើនោះឬក៏ជាម៉ូតូដែលលួចគេនោះទេ ទើបធ្វើឲ្យនាងមានការព្រួយបារម្ភ ខ្លាចមានការពាក់ព័ន្ធនិងបទល្មើស អ្វីមួយទើបនាងធ្វើដំណើរទៅប្ដឹងនគរបាលប៉ុស្ដិ៍ចោមចៅឲ្យជួយអន្តរាគមន៍តែម្តង។

ហេតុការណ៏ខាងលើនេះបានកើតឡើង កាលពីវេលាម៉ោង១ និង២០ នាទីរសៀលថ្ងៃទី១៤ ខែឧសភា ឆ្នាំ២០១៧ នៅក្នុងម្តុំផ្ទះជួលអតីតឡឥដ្ឋ ស្ថិតនៅក្នុងភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។

នារីរងគ្រោះខាងលើមានឈ្មោះ ជ.ច.ណ អាយុ២២ឆ្នាំ មុខរបរកម្មការិនីរោងចក្រ ស្នាក់នៅកន្លែកើតហេតុខាងលើ មានស្រុកកំណើតនៅក្នុងភូមិអូរវាយ ឃុំស្ពឺ ស្រុកចំការលើ ខេត្តកំពង់ចាម ។
ចំណែកបុរសជាជនសង្ស័យនោះត្រូវបាននាងប្រាប់ថាឈ្មោះ ពុន ចំរើនអាយុជាង២០ឆ្នាំ មិនត្រូវបានស្គាល់ទីលំនៅនិងមុខរបរនោះទេ។
ម៉ូតូដែលបាត់បង់ទៅនោះម៉ាក ហុងដាស្កូបពី ពណ៌ស ស៊េរីឆ្នាំ២០១៦ ពាក់ស្លាកលេខ ភ្នំពេញ 9530 មិនចាំលេខរៀងអក្សរខាងមុខ នោះឡើយ។
ចំណែកម៉ូតូឌ្រីមដែលបុរសនោះជិះទៅទុកកន្លែងនាង ស៊េរីឆ្នាំ២០១៣ពណ៌ខ្មៅ ពាក់ស្លាកលេខភ្នំពេញ1BY- 4803។
តាមប្រភពព័ត៌មានបានឲ្យដឹងថា នាងបានប្រាប់ថាបុរសដែលតាមស្រលាញ់នាងរាប់ខែមកហើយ និងឆ្លៀតយកម៉ូតូនាងទៅបាត់នោះ កន្លងមកបានខលរក និងលេងឆាតរកនាងជាញឹកញាប់មកហើយ។

ប្រភពបន្តថានារីរងគ្រោះខាងលើបានរាបរាប់បន្តទៀតថា កន្លងមកបុរសខាងលើនោះ តែងតែបានខលមកសុំស្នេហ៍ ពីនាងជាបន្តបន្ទាប់ ហើយទោះបីជានាងប្រាប់ថានាងជាជនពិការជើងក៏ដោយ។ បុរសនោះបានខលរកនាងរាល់ថ្ងៃ និងឧស្សាហ៍ជួបគ្នា ញឹកញាប់ដែរ លុះដល់ថ្ងៃកើតហេតុ ខណ:ដែលនាង កំពុងស្ថិតនៅក្នុងបន្ទប់ជួល ស្រាប់តែជននោះបាន ជិះម៉ូតូម៉ាកហុងដាឌ្រីមខាងលើរកនាងដល់បន្ទប់ជួល។ បន្ទាប់មកជនសង្ស័យបាន និយាយខ្ចីម៉ូតូម៉ាកហុងដាស្កូបពីរបស់នាងជិះ ដោយប្រាប់ថាទៅរកទិញអីហូបតែមួយភ្លែតប៉ុណ្ណោះ រួចក៏បាន ជិះគេចខ្លួនបាត់រហូតតែម្ដង។

ក្រោយពេលកើតហេតុដោយជននោះបានទុកម៉ូតូម៉ាកហុងដាឌ្រីមសេ១២៥ ស៊េរីឆ្នាំ២០១៣ ឲ្យនាងហើយដោយសារតែមិនដឹងថា ម៉ូតូនោះគឺជាកម្មសិទ្ធិរបស់បុរសនោះឬក៏ជាម៉ូតូដែលលួចពីកន្លែងណាមួយ នោះទើបនាងមានការព្រួយបារម្ភ ខ្លាចមានការពាក់ព័ន្ធបទល្មើស ទើបទៅប្ដឹងសុំឲ្យនគរបាលប៉ុស្ដិ៍ ចោមចៅ ជួយអន្តរាគមន៍តែម្ដង៕