Post News Media ព័ត៌មានជាតិ បុរសម្នាក់ជិះ...

បុរសម្នាក់ជិះម៉ូតូយ៉ាងលឿន រេចង្កូតជ្រុលបុកស្ពានឆ្លងប្រឡាយបង្ហូរទឹក ស្លាប់យ៉ាងអាណោចអាធម៌

ចែកចាយបន្ត

ប៉ៃលិន: ភ្នាក់ងារ Post News ប្រចាំខេត្តប៉ៃលិន បានរាយការណ៍មកថា មានករណីបុរសម្នាក់ជិះម៉ូតូដោយខ្លួនឯងយ៉ាងលឿន រេចង្កូតជ្រុលបុកស្ពានឆ្លងប្រឡាយបង្ហូរទឹក ស្លាប់យ៉ាងអាណោចអាធម៌។

ហេតុការណ៍នេះបានកើតឡើងកាលពីវេលាម៉ោង១២រំលងអាធ្រាត្រ ថ្ងៃទី១៥ ខែឧសភា ឆ្នាំ២០១៧ នៅចំណុចភូមិទឹកចេញ ឃុំស្ទឹងកាច់ ស្រុកសាលាក្រៅ ខេត្តប៉ៃលិន។

សមត្ថកិច្ចបានឲ្យដឹងថា ជនរងគ្រោះឈ្មោះ ឯម សុភ័ក្រ ភេទប្រុស អាយុ២៤ឆ្នាំ ស្នាក់នៅភូមិផ្សារព្រំ ឃុំស្ទឹងកាច់ ស្រុកសាលាក្រៅ។

ប្រភពដដែលបានដឹងថា មុនពេលកើតហេតុ ជនរងគ្រោះបានជិះម៉ូតូ ម៉ាកScoopy ពណ៌ស គ្មានស្លាកលេខ ជិះពីលិចទៅកើត តែម្នាក់ឯង ក្នុងល្បឿនយ៉ាងលឿន ពេលមកដល់ចំណុចកើតហេតុ ក៏រេចង្កូតទៅបុកបង្កាន់ដៃស្ពាន បណ្តាលឲ្យស្លាប់ភ្លាមៗនៅនឹងកន្លែងកើតហេតុ។

ក្រោយពីកើតហេតុ សមត្ថកិច្ចបានចុះទៅដល់កន្លែងកើតហេតុ ធ្វើកំណត់ហេតុ និងប្រគល់សាកសពជនរងគ្រោះឲ្យក្រុមគ្រួសារយកទៅធ្វើបុណ្យតាមប្រពៃណី៕