Post News Media ព័ត៌មានជាតិ ជនជាតិអាហ្វ្រ...

ជនជាតិអាហ្វ្រិកខាងត្បូងម្នាក់ ដេកស្លាប់ក្នុងបន្ទប់ផ្ទះជួល បង្កការភ្ញាក់ផ្អើល!

ចែកចាយបន្ត

ព្រះសីហនុ: ហេតុការណ៍ភ្ញាក់ផ្អើលមួយបានកើតឡើង បន្ទាប់ពីបុរសជនជាតិបរទេសម្នាក់ បានដេកស្លាប់នៅក្នុងបន្ទប់ផ្ទះជួល។

ហេតុការណ៍នេះបានកើតឡើងកាលពីវេលាម៉ោង ១២និង៣៧នាទី ថ្ងៃត្រង់ទី១៤ ខែឧសភា ឆ្នាំ២០១៧ ស្ថិតនៅចំណុចបន្ទប់ជួលលេខ១៦ ជាន់ផ្ទាល់ដី ខាងក្រោយក្រោយសណ្ឋាគារ ប៉ារីសចាស់ ក្រុម២ ភូមិ៣ សង្កាត់លេខ២ ក្រុងព្រះសីហនុ ខេត្តព្រះសីហនុ។

សាកសពជនរងគ្រោះខាងលើនេះ មានឈ្មោះ MEYER JOHAN ALBERECHT ភេទប្រុស ឆ្នាំកំណើត ០៩.០៨.១៩៥១ ជនជាតិអាហ្រ្វិកខាងត្បូង ហើយបច្ចុប្បន្នសាកសពជនរងគ្រោះត្រូវបានសមត្ថកិច្ច រក្សាទុកបណ្តោះអាសន្ន នៅកន្លែងកើតហេតុ រង់ចាំសមត្ថកិច្ចបច្ចេកទេសវិទ្យាសាស្រ្ត រួមនឹងក្រុមគ្រូពេទ្យធ្វើការពិនិត្យនិងធ្វើកោសល្យវិច័យផងដែរ៕