Post News Media ព័ត៌មានជាតិ អាណិតណាស់! សង...

អាណិតណាស់! សង្ស័យតូចចិត្តមានជំងឺប្រចាំកាយ ត្រូវប្រពន្ធងើបបត់ជើងតូចប្រទះឃើញចងកសម្លាប់ខ្លួន!

ចែកចាយបន្ត

ភ្នំពេញ: បុរសម្នាក់សង្ស័យ ដោយសារមានជំងឺប្រចាំកាយ ទើបដាច់ចិត្តធ្វើអត្តឃាតដោយចងកសម្លាប់ខ្លួន។

ហេតុការណ៍ភ្ញាក់ផ្អើលខាងលើនេះ បានកើតឡើងកាលពីវេលាម៉ោង៦ និង១៥នាទីថ្ងៃទី១៥ ខែឧសភា ឆ្នាំ២០១៧ ស្ថិតនៅភូមិចោមចៅ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។

បុរសដែលធ្វើអត្តឃាតខ្លួនឯងនេះមានឈ្មោះ ម៉ឹក ភាសុន អាយុ៣៦ មុខរបរបើករថយន្តដឹកសិស្ស ស្នាក់នៅភូមិចោមចៅ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ដោយមានប្រពន្ធឈ្មោះ ឌុច សោភា អាយុ៣៦ឆ្នាំ មុខរបរកម្មការិនី ស្នាក់នៅជាមួយប្តីនៅផ្ទះកើតហេតុខាងលើ។

ប្រភពព័ត៌មានពីសមត្ថកិច្ចបានឲ្យដឹងថា នៅមុនពេលកើតហេតុ ស្ត្រីជាប្រពន្ធបានដើទៅបត់ជើងតូច ហើយក៏ស្រាប់តែប្រទះឃើញប្តីចងកដោយខ្សែភ្លើង ស្លាប់បាត់ទៅហើយ មិនដឹងថាស្លាប់ពីម៉ោងប៉ុន្មាននោះទេ។

ប្រភពដដែលបន្តថា ជនរងគ្រោះមានជំងឺប្រចាំកាយ ទើបត្រឡប់ពីព្យាបាលនៅមន្ទីរពេទ្យ សង្ស័យធុញថប់នឹងជំងឺ និងពិបាករកប្រាក់ព្យាបាល ទើបសម្រេចចិត្តចងកធ្វើអត្តឃាតខ្លួនឯងតែម្តង។

ក្រោយពេលកើតហេតុ សមត្ថកិច្ចបានទៅពិនិត្យសពខាងលើពិតជាស្លាប់ដោយចងកសម្លាប់ខ្លួនប្រាកដមែនហើយសមត្ថកិច្ចបានប្រគលសពទៅឲ្យក្រុមគ្រួសារធ្វើបុណ្យតាមប្រពៃណី៕