Post News Media ព័ត៌មានជាតិ បុរសម្នាក់ ញៀ...

បុរសម្នាក់ ញៀនស្រាពេករហូតដេកស្លាប់នៅស្រះទឹកយាយលន់

ចែកចាយបន្ត

ឧត្តរមានជ័យ: លោកវរសេនីយ៍ទោ ហម ភិរម្យ អធិការស្រុកបន្ទាយអំពិល បានប្រាប់Post Newsថា មានការប្រទះឃើញសាកសពបុរសម្នាក់ ដេកស្លាប់នៅស្រះទឹកយានលន់ បង្កឲ្យមានការភ្ញាក់ផ្អើល កាលពីវេលាម៉ោង៨និង៤៥នាទី ថ្ងៃទី១៥ ខែឧសភា ឆ្នាំ២០១៧ ស្ថិតនៅចំណុចស្រះទឹកយាយលន់ ខាងលិចភូមិពោធិថ្មី ឃុំបេង ស្រុកបន្ទាយអំពិលប្រហែល៥០០ម៉ែត្រ ខេត្តឧត្តរមានជ័យ។

ជនរងគ្រោះដែលស្លាប់ខាងលើនេះ មាន ឈ្មោះ សេង ធីម ហៅពាង ភេទប្រុស អាយុ ៥២ឆ្នាំ ស្នាក់នៅមិនពិតប្រាកដ (ជាមនុស្សញៀនស្រា ដើរដេកតាមសាលាឆទាន តាមម្លប់ឈើ ) ត្រូវបានប្រជាពរដ្ឋ ប្រទះឃើញដេកស្លាប់នៅចំណុចកើតហេតុខាងលើនេះ ។

តាមការពិនិត្យរបស់ជំនាញ ជនរងគ្រោះខាងលើ ពិតជាបានស្លាប់ដោយសារខ្យល់គរពិតប្រាកដមែន មិនមែនជាករណីឃាតកម្មអ្វីនោះទេ ៕