Post News Media ព័ត៌មានជាតិ ឃាត់ខ្លួនបុរស...

ឃាត់ខ្លួនបុរសម្នាក់ លួចបង្កប់កត់ឆ្នោតកន្ទុយលេខវៀតណាមខុសច្បាប់

ចែកចាយបន្ត

ភ្នំពេញ: នៅវេលាម៉ោង២និង៤០នាទី រសៀលថ្ងៃទី១៤ ខែឧសភា ឆ្នាំ២០១៧ ដោយមានការចូលរួមសម្របសម្រួលពីសំណាក់លោកស្រី ព្រះរាជអាជ្ញារង វ៉ា សក្កដា អធិការដ្ឋាន កម្លាំងសមត្ថកិច្ចខណ្ឌឬស្សីកែវ ចុះបង្រ្កាបទីតាំងលេងល្បែងស៊ីសងប្រភេទឆ្នោតកន្ទុយលេខវៀតណាម មួយកន្លែង ស្ថិតនៅចំណុចផ្ទះ២១៧ ផ្លូវលំ ក្រុម៩ ភូមិក្រោលគោ សង្កាត់គីឡូម៉ែត្រ។ ជាលទ្ធផលនែកិច្ចប្រតិបត្តិការនេះសមត្ថកិច្ច បានធ្វើការឃាត់ខ្លួនជនសង្ស័យម្នាក់ឈ្មោះ ញឹម ភក្រ្តា ភេទប្រុស អាយុ២៤ឆ្នាំ ជនជាតិខ្មែរ ស្នាក់នៅទីតាំងខាងលើ(ជាអ្នកកត់)។

ក្នុងនោះវត្ថុតាងដកហូតបានរួមមាន៖ ក្រដាសសម្រាប់កត់ឆ្នោតវៀតណាមមួយចំនួន,ត្រាសម្រាប់វាយថ្ងៃខែឆ្នាំចំនួន១,ប៊ិចចំនួន៣ដើម,ម៉ាស៊ីនគិតលេខចំនួន១,សេរីចេញឆ្នោតមួយចំនួន និងប្រាក់ចំនួន៥០០០០រៀល។

បច្ចុប្បន្នជនសង្ស័យ ត្រូវបានអធិការដ្ឋានកំពុងកសាងសំណុំរឿងបញ្ជូនតាមនីតិវិធីទៅសាលាដំបូងរាជធានី៕