Post News Media ព័ត៌មានជាតិ នោះ! បុគ្គលិក...

នោះ! បុគ្គលិកណាហ្គាវើលនិងមិត្តភក្តិ ជិះម៉ូតឈប់នោមនៅគល់ស្ពានកោះពេជ្រចាស់ ត្រូវក្រុមចោរដាវស៊ាំម៉ូរ៉ៃកាប់ប្លន់យកម៉ូតូទៅបាត់!

ចែកចាយបន្ត

ភ្នំពេញ: យុវជន២នាក់ បានជិះម៉ូតូទៅនោម នៅគល់ស្ពានកោះពេជ្រចាស់ ដោយគ្នា២នាក់ទៀត អង្គុយចាំកន្លែង ខណ:កំពុងឈប់ម៉ូតូកំពុងឈរនោមនោះ ស្រាប់តែមានជនសង្ស័យមានគ្នា ៧ទៅ៨នាក់ ប្រដាប់ដោយដាវស៊ាំម៉ូរ៉ៃ រត់ចេញពីគល់ស្ពាននាគ មកដេញកាប់ប្រហារ មកលើក្រុមជនរងគ្រោះ បណ្តាលឲ្យម្នាក់រងរបួសដៃ ដោយភ័យផងនោះក៏រត់យករួចខ្លួន ស្រាប់តែជនសង្ស័យយកជិះម៉ូតូ ជនរងគ្រោះយកទៅបាត់ដោយសុវត្ថិភាព។

ហេតុការណ៍នេះបង្កការភ្ញាក់ផ្អើលកាលពីវេលាម៉ោង២ និង១០នាទី រំលងអធ្រាតឈានចូលថ្ងៃទី១៦ ខែឧសភា ឆ្នាំ២០១៧ ស្ថិតនៅចំណុចមុខណាហ្គាវើល ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ។

ជនរងគ្រោះដែលរងរបួសមានឈ្មោះ រ៉ាក់ ភេទប្រុស អាយុ២០ឆ្នាំ មុខរបធ្វើការនៅណាហ្គាវើល ទី២ឈ្មោះ សី ភេទប្រុស អាយុ២០ឆ្នាំ មុខរបរនៅផ្ទះ របួសដៃស្តាំ និងទី៣ឈ្មោះស៊ីម យូហ្គោ ភេទប្រុស មុខរបរនៅផ្ទះ ស្នាក់នៅសង្កាត់បឹងសាឡាង ខណ្ឌទួលគោក។ ហើយម៉ូតូដែលជនសង្ស័យកាប់ប្លន់យកទៅបាត់នោះម៉ាកស៊ុយសាគីនិច ពាក់ស្លាកលេខ តាកែវ 1G-0302។

តាមសម្តីជនរងគ្រោះឈ្មោះស៊ីម យូហ្គោ បានឲ្យដឹងថា នៅមុនពេលកើតហេតុ ពួកគេ បានចេញពីផ្ទះ នៅសង្កាត់បឹងសាឡាង មកអង្គុយផឹកស្រា នៅមុខណាហ្គាវើល ខណ:កំពុងផឹក ស្រាប់តែរូបគេ និងឈ្មោះ រ៉ាក់ បាននាំគ្នាជិះម៉ូតូទៅនោមនៅគល់ស្ពានកោះពេជ្រចាស់ ដោយឈប់ម៉ូតូនៅក្បែរខ្លួន។ ភ្លាមនោះស្រាប់តែមានជនសង្ស័យមួយក្រុម មានគ្នា៧ ទៅ៨នាក់ ប្រដាប់ដោយដាវស៊ាំម៉ូរ៉ៃ ស្ទើរគ្រប់ដៃ បានមកធ្វើសកម្មភាពដេញកាប់ពួកគេ ធ្វើឲ្យពួកគេភ័យ រត់ចេញពីម៉ូតូ ដោយក្រុមជនសង្ស័យមួយក្រុមដេញកាប់ពួកគេ រហូតដល់កន្លែងផឹក ធ្វើឲ្យរបួសដៃម្នាក់។ចំណែកបក្ខពួកជនសង្ស័យមួយក្រុមទៀត បានយកម៉ូតូរបស់ខ្លួនគេចខ្លួនបាត់តែម្តង។

ភ្លាមៗនោះ ជនរងគ្រោះបានរត់ទៅប្តឹង សមត្ថកិច្ចនៅប៉ុស្តិ៍ទន្លេបាសាក់ តែសមត្ថកិច្ចធ្វើព្រងើយ ព្រោះកំពុងតែដេក។ បន្ទាប់មកជនរងគ្រោះក៏រត់មកវិញសុំការអន្តរាគមន៍ ពីបងប្អូនអ្នករត់ម៉ូតូឌុប ដើម្បីតាមរកម៉ូតូខ្លួនមកវិញ។

ក្រោយមកមួយសន្ទុះ ទើបជនរងគ្រោះទៅដាក់ពាក្យបណ្តឹង នៅប៉ុស្តិ៍រដ្ឋបាលទន្លេបាសាក់ម្តងទៀត ទើបសមត្ថកិច្ច ឌុបជនរងគ្រោះមកមើលទីតាំងខាងលើ ៕

ចែកចាយបន្ត