Post News Media ព័ត៌មានជាតិ ឃាត់ខ្លួនយុវជ...

ឃាត់ខ្លួនយុវជនមុខស្រស់៣នាក់ ក្រោយពីស្រវឹងស្រាយកដុំថ្មគប់រថយន្តអ្នកដ៏ទៃ

ចែកចាយបន្ត

បាត់ដំបង: ភ្នាក់ងារ Post News ប្រចាំខេត្តបាត់ដំបង បានរាយការណ៍មកថា ក្រុមជនសង្ស័យ៣នាក់ ត្រូវបានសមត្ថកិច្ចឃាត់ខ្លួន ពាក់ពន្ធ័នឹងករណី បំផ្លាញទ្រព្យសម្បត្តិអ្នកដ៏ទៃ ស្រវឹងស្រាយកដុំថ្មគប់រថយន្តដែលបើកបរនៅតាមផ្លូវ ។

ហេតុការណ៍នេះបានកើតឡើងកាលពីវេលាម៉ោង១២និង១០នាទី យប់រំលងអធ្រាត្រ ឈានចូលថ្ងៃទី១៦ ខែឧសភា ឆ្នាំ២០១៧ នៅចំណុចលើផ្លូវជាតិលេខ៥៧ ស្ថិតក្នុងភូមិអូរខ្ជាយ សង្កាត់ព្រែកព្រះស្តេច ក្រុងបាត់ដំបង ខេត្តបាត់ដំបង។

សមត្ថកិច្ចបានឲ្យដឹងថា ជនសង្ស័យចំនួន៣នាក់ ទី១ឈ្មោះ យៀង លីហូវ ភេទប្រុស អាយុ១៨ឆ្នាំ មានទីលំនៅ ភូមិហៃសាន្ត ឃុំជ្រៃ ស្រុកថ្មគោល ខេត្តបាត់ដំបង, ទី២ឈ្មោះ ជា រត្ននី ភេទប្រុស អាយុ១៨ឆ្នាំ មានទីលំនៅភូមិអូរដំបង២ ឃុំអូរដំបង ស្រុកសង្កែ ខេត្តបាត់ដំបង និងទី៣ឈ្មោះ ប៊ិន ផានិត ភេទប្រុស អាយុ១៧ឆ្នាំ មានទីលំនៅ ភូមិអូរដំបង២ ឃុំអូរដំបង ស្រុកសង្កែ ខេត្តបាត់ដំបង ។

ក្រោយពីបានធ្វើការសាកសួររួចក៏បានប្រគល់ឲ្យទៅការិយាល័យជំនាញដើម្បីចាត់ការបន្ត៕