Post News Media ព័ត៌មានជាតិ បម្រុងប្រយត្ន...

បម្រុងប្រយត្ន័! រន្ទះបាញ់ល្ងាចមិញ ស្លាប់និងរបួស៥នាក់ នៅខេត្តកំពង់ឆ្នាំង

ចែកចាយបន្ត

កំពង់ឆ្នាំង: លោកវរសេនីយ៍ត្រី ម៉ាត់ លី អធិការនគរបាលស្រុកកំពង់ត្រឡាច បានប្រាប់Post Newsថា យ៉ាងហោចណាស់មានមនុស្ស៥នាក់រងរបួសនិងស្លាប់ ក្រោយពីមានបាតុភូតរន្ទះបាញ់មួយបានកើតឡើង កាលពីវេលាម៉ោង៤និង៣០នាទី ល្ងាចថ្ងៃទី១៥ ខែឧសភា ឆ្នាំ២០១៧ ស្ថិតនៅចំណុចផ្ទះឈ្មោះ ជៀម ហ៊ីន ស្ថិតក្នុងភូមិដូនទយ ឃុំសែប ស្រុកកំពង់ត្រឡាច ខេត្តកំពង់ឆ្នាំង។

ករណីរន្ទះបាញ់នេះ បានបណ្តាលឲ្យមនុស្សម្នាក់ស្លាប់ និង៤នាក់ទៀតរបួសរួមមានទី១ឈ្មោះ ប៉ាន់ ផល្លី ភេទប្រុស អាយុ២ឆ្នាំ(ស្លាប់) ,ទី២ឈ្មោះ ហង្ស ទីណា ភេទ ប្រុស អាយុ១២ឆ្នាំ(របួសធ្ងន់) ,ទី៣ឈ្មោះ ហង្ស សំណាង ភេទប្រុស អាយុ៨ឆ្នាំ(របួសស្រាល) ,ទី៤ឈ្មោះ កង សុឃុន ភេទប្រុស អាយុ៨ឆ្នាំ(របួសស្រាល)និងទី៥ ឈ្មោះ សុខ វិចិត្រ ភេទប្រុស អាយុ១០ឆ្នាំ (របួសស្រាល)។

បច្ចុប្បន្នជនរងគ្រោះ៤នាក់ ដែលរងរបួសត្រូវបានបញ្ជូនទៅព្យាបាលនៅមន្ទីរពេទ្យបង្អែកខេត្តកំពង់ឆ្នាំង៕