Post News Media ព័ត៌មានជាតិ ជនជាតិឥស្លាមម...

ជនជាតិឥស្លាមម្នាក់ ឃើញម្ចាស់គេភ្លេចខ្លួនបន្លំលួចគ្រឿអលង្ការ មានអីម្ចាស់គេទាន់ជាប់ខ្នោះសមត្ថកិច្ច!

ចែកចាយបន្ត

ត្បូងឃ្មុំ: លោកអធិការស្រុកត្បូងឃ្មុំ បានប្រាប់ Post News ថា ជនសង្ស័យម្នាក់ ត្រូវបានសមត្ថកិច្ចឃាត់ខ្លួន ក្រោយពីធ្វើសកម្មភាពប្រើកល្បិចហើយលួចយកគ្រឿងអលង្ការ។

ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង៩និង២០នាទី ព្រឹកថ្ងៃទី១៦ ខែឧសភា ឆ្នាំ២០១៧ នៅចំណុចផ្សារថ្នល់ទទឹង ភូមិស្លាបក្ដោង ឃុំជប់ ស្រុកត្បូងឃ្មុំ ខេត្តត្បូងឃ្មុំ។

លោកអធិការស្រុកបន្តថា ជនសង្ស័យឈ្មោះ ស៊ឹម ខឡី ហៅអ៊ី ភេទប្រុសអាយុ២៤ឆ្នាំ ជនជាតិឥស្លាម មានទីលំនៅភូមិរោងគោ ឃុំថ្មពេជ្រ ស្រុក ត្បូងឃ្មុំ។ បានធ្វើសកម្មភាពចូលមកផ្ទះជនរងគ្រោះឈ្មោះ កែវ ឆៃលាភភេទប្រុស អាយុ៣៩ឆ្នាំ មុខរបរលក់គ្រឿងអលង្ការ បានប្រើកល្បិចហើយលួចយកគ្រឿងអលង្ការ ខ្សែកប្លាកទីន ចំនួន១ខ្សែ ទម្ងន់៤ជី ៨ហ៊ុន រត់ឡើងជិះម៉ូតូចេញ ត្រូវបានម្ទាស់ស្រែឆោឡោរផ្អើលដល់សមត្ថកិច្ចប៉ុស្តិ៍នគរបាលរដ្ឋបាលជប់ឈរជើងការពារកន្លែងងាយរងគ្រោះនៅទីនោះ ដេញចាប់ឃាត់ខ្លួនបានជនសង្ស័យខាងលើ ។

ក្នុងនោះដកហូតវត្ថុតាងរួមមាន៖ ខ្សែក លោហ:ធាតុប្លាកទីន១ខ្សែ ទម្ងន់៤ជី ៨ហ៊ុនជារបស់ជនរងគ្រោះ,ខ្សែកលោហ:ធាតុ ការឡៃ១ខ្សែ ជារបស់ជនល្មើស,ខ្សែ ដៃលោហ:ធាតុ ការឡៃ១ខ្សែ ជារបស់ជនល្មើស, ចិញ្ចៀនត្រាលោហ:ធាតុ ការឡៃ១ជារបស់ជនល្មើស,ប្រាក់ដុល្លារចំនួន៥០០ដុល្លារក្លែងក្លាយលុយសែន ជារបស់ជនល្មើស និងម៉ូតូម៉ាក សេ១២៥ ពណ៌ខ្មៅ ១គ្រឿង ស៊េរីឆ្នាំ២០០៥របស់ជនសង្ស័យ ។

បច្ចុប្បន្នជនសង្ស័យ ត្រូវបានឃាត់ខ្លួនបញ្ជូនមកអធិការដ្ឋាននគរបាលស្រុកត្បូងឃ្មុំ ដើម្បីកសាងសំណុំរឿងបញ្ជូនទៅអយ្យការអមសាលាដំបូងខេត្តត្បូងឃ្មុំចាត់ការតាមនិតិវិធី ៕