Post News Media ព័ត៌មានជាតិ ផឹកស៊ីស្រវឹង ...

ផឹកស៊ីស្រវឹង ទាស់សម្តីគ្នារឿងលក់ផ្ទះ មួយថាលក់ មួយទៀតថាកុំលក់ ទាញកាំបិតកាប់គ្នាលាន់!

ចែកចាយបន្ត

ភ្នំពេញ: ករណីហិង្សារមួយបានកើតឡើង បន្ទាប់ពីបុរសម្នាក់២នាក់ផឹកស៊ីស្រវឹង ទាស់សម្តីគ្នារឿងលក់ផ្ទះ រហូតឈានដល់ការទាញកាំបិតផ្គាក់កាប់ទៅលើបុរសម្នាក់ ដែលប្រាប់កុំឲ្យលក់ផ្ទះនោះរយះដៃនិងខ្នង រងរបួសធ្ងន់ ត្រូវសមត្ថកិច្ចចាប់ឃាត់ខ្លួន។

ហេតុការណ៍នេះកើតឡើងកាលពីវេលាម៉ោង៦និង៣០នាទី ល្ងាចថ្ងៃទី១៦ ខែឧសភា ឆ្នាំ២០១៧ ស្ថិតនៅចំណុចផ្លូវបេតុង ក្រុម៤ ភូមិខ.១ សង្កាត់ច្រាំងចំរេះ ២ ខណ្ឌឫស្សីកែវ រាជធានីភ្នំពេញ។

ជនរងគ្រោះមានឈ្មោះ ស្លេះ ម៉ាត់ណូ ភេទប្រុស អាយុ៤៥ឆ្នាំ ជនជាតិខ្មៃរឥស្លាម មានទីលំនៅផ្ទះគ្មានលេខក្រុម៤ ភូមិខ.១ សង្កាត់ច្រាំងចំរេះ ២ ខណ្ឌឫស្សីកែវ(រងរបួសធ្ងន់) ។ ចំណែកជនសង្ស័យមានឈ្មោះ ស្លេះ លីម ភេទប្រុស អាយុ៤២ឆ្នាំ ជនជាតិខ្មែឥស្លាម ស្នាក់នៅភូមិជាមួយគ្នា។ដកហូតបានផ្គាក់១ដើម។

តាមប្រភពព័ត៌មានបានឲ្យដឹងថា មុនពេលកើតហេតុ ជនរងគ្រោះនិងជនសង្ស័យបានហូបស្រាបៀរជាមួយគ្នា រួចក៏ទាស់សម្តីគ្នាអំពីការលក់ផ្ទះ ជនសង្ស័យចង់លក់ផ្ទះ តែជនរងគ្រោះប្រាប់កុំឲ្យលក់ ពេលនោះជនសង្ស័យខឹងក៏រត់ទៅយកផ្គាក់មកកាប់ជាច្រើនកាំបិតទៅលើជនរងគ្រោះ បណ្តាលឲ្យរងរបួសជាទម្ងន់តែម្តង។ ភ្លាមៗនោះ កម្លាំងនគរបាលខណ្ឌឬស្សីកែវ សហការជាមួយនគរបាលប៉ុស្តិ៍បានចុះអន្តរាគមន៍ ក៏ឃាត់ជនសង្ស័យនិងវត្ថុតាងដើម្បីកសាងសំណុំរឿងបញ្ជូនទៅសាលាដំបូងរាជធានីអនុវត្តន៍តាមនីតិវិធីច្បាប់តែម្តង៕