Post News Media ព័ត៌មានជាតិ ឃាត់ខ្លួនបុរស...

ឃាត់ខ្លួនបុរសម្នាក់ ក្រោយធ្វើសកម្មភាពលួចយកម៉ាស៊ីនភ្លើងអ្នកដ៏ទៃ

ចែកចាយបន្ត

បន្ទាយមានជ័យ: លោកអធិការរងក្រុងប៉ោយប៉ែតទទួលផ្នែកព្រហ្មទណ្ឌ បានប្រាប់ Post News ថា ជនសង្ស័យម្នាក់ ត្រូវបានសមត្ថកិច្ចឃាត់ខ្លួន បន្ទាប់ពីធ្វើសកម្មភាពលួចយកម៉ាស៊ីនភ្លើងរបស់ប្រជាពលេដ្ឋ។

ហេតុការណ៍នេះបានកើតឡើងកាលពីវេលាម៉ោង៤ទៀបភ្លឺ ថ្ងៃទី១៦ ខែឧសភា ឆ្នាំ២០១៧ នៅចំណុចខាងត្បូងផ្សាប៉ោយប៉ែតថ្មី ស្ថិតនៅភូមិបាលិលេយ្យ១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។

លោកអធិការរងបន្តថា ជនសង្ស័យមានឈ្មោះ ចាន់ ធូ ភេទប្រុស អាយុ២៥ឆ្នាំ រស់នៅភូមិប៉ោយប៉ែត ក្រុងប៉ោយប៉ែត។ ចំណែកជនរងគ្រោះឈ្មោះ គង់ សំណាង អាយុ៣២ឆ្នាំ ភេទប្រុស រស់នៅភូមិបាលិលេយ្យ១សង្កាត់ប៉ោយប៉ែត ម៉ាស៊ីភ្លើងដែលចោរលួចម៉ាកNIKATIK។

បច្ចុប្បន្ន ជនសង្ស័យកំពុងសាកសួរនៅអធិការដ្ឋាន ផ្នែកជំនាញ ក្រោយពីការសាកសួរជនសង្ស័យបានសារភាពថាខ្លួនពិតជាបានលួចយកម៉ាស៊ីនភ្លើងមែន ដែលមានគ្នា២នាក់៕