Post News Media ព័ត៌មានជាតិ ឆក់ទៀតហើយ! ជន...

ឆក់ទៀតហើយ! ជនជាតិកូរ៉េម្នាក់ ត្រូវក្រុមចោរឆក់ទូរសព្ទទៅបាត់ដោយសុវត្ថិភាព

ចែកចាយបន្ត

ភ្នំពេញ: បុរសជនជាតិកូរ៉េម្នាក់ កំពុងដើរកាន់ទូរសព្ទសុខៗ ត្រូវបានចោរមានគ្នា២នាក់ ជិះម៉ូតូមួយគ្រឿង មកពីក្រោយធ្វើសកម្មភាពលូកដៃឆក់យកទូរសព្ទមួយគ្រឿងម៉ាក កាឡាក់ស៊ី S7 បានសម្រេចហើយជិះគេចខ្លួនដោយសុវត្ថិភាព។

ហេតុការណ៍ នេះបានកើតឡើងនៅវេលាម៉ោង ៨និង២០នាទីយប់ ថ្ងៃទី១៧ ខែឧសភា ឆ្នាំ២០១៧ នៅចំណុចផ្លូវម៉ុងឬទ្ធី ភូមិគង្គាផុស សង្កាត់ទួលសង្កែ ខណ្ឌឫស្សីកែវ រាជធានីភ្នំពេញ។

ជនរងគ្រោះជនជាតិកូរ៉េឈ្មោះ LEE SEUNG HWAN អាយុជាង ៣០ឆ្នាំ ស្នាក់នៅក្នុងខាំកូស៊ីធី។

តាមសាក្សីពីកន្លែងកើតហេតុ បានឲ្យដឹងថា មុនពេលកើតហេតុ គេបានឃើញជនរងគ្រោះដើរតែម្នាក់ឯង តាមបណ្តោយផ្លូវម៉ុងឬទ្ធី ទិសដៅពីកើតទៅលិច ខណ: មកដល់ចំណុចកើតហេតុ ក៏មានជនសង្ស័យ២នាក់ជិះម៉ូតូម៉ាក ស្មាស់ មិនចាំស្លាកលេខបានធ្វើសកម្មភាពឆក់ទូរសព្ទដែលជនរងគ្រោះកាន់ជាប់នឹងដៃបានសម្រេចរួចជិះគេចបាត់ ស្រមោល។

ក្រោយកើតហេតុ ក៏មានប្រជាការពារភូមិដឹកជនរងគ្រោះទៅដាក់ពាក្យបណ្តឹងនៅប៉ុស្តិ៍នគរបាលសង្កាត់ទួលសង្កែផងដែរ៕