Post News Media ព័ត៌មានជាតិ ក្រោយភ្លៀងមាន...

ក្រោយភ្លៀងមានរន្ទះបាញ់ចំបុរសម្នាក់បណ្តាលឲ្យស្លាប់!

ចែកចាយបន្ត

កណ្តាល: ក្រោយពីមានភ្លៀងធ្លាក់យ៉ាងខ្លាំងហើយនោះ ក៏មានបាតុភូតរន្ទះបាញ់ ចំបុរសម្នាក់បណ្តាលឲ្យស្លាប់មួយរំពេច។

ហេតុការណ៍នេះបានកើតឡើងកាលពីវេលាម៉ោង៥និង៣០នាទីល្ងាច ថ្ងៃទី២១ ខែឧសភា ឆ្នាំ២០១៧ នៅចំណុចទួលរង្វើល ភូមិជ័យតូច ឃុំជ័យធំ ស្រុកខ្សាច់ កណ្តាល ខេត្តកណ្តាល ។

ជនរងគ្រោះមានឈ្មោះ ម៉ៅ យាន ភេទប្រុស អាយុ៥៣ឆ្នាំ មុខរបរកសិករ នៅភូមិ ឃុំកើតហេតុ (ស្លាប់) ។

មុនពេលកើតហេតុ នៅថ្ងៃទី២១ ខែឧសភា ឆ្នាំ២០១៧ វេលាម៉ោង ១រសៀល ជនរងគ្រោះបានទៅចាំក្របីនៅចំណុចកើតហេតុ រហូតដល់វេលាម៉ោងកើតហេតុខាងលើមានភ្លៀងធ្លាក់ត្រូវរន្ទះបាញ់ជនរងគ្រោះស្លាប់។ ចំពោះសត្វក្របីបានបោលមកផ្ទះប្រពន្ធមិនឃើញប្តី បានពឹង អ្នកភូមិនិងបងប្អូនទៅរកជនរងគ្រោះ ហើយឃើញដេកស្លាប់នៅកន្លែងកើតហេតុ ដោយត្រូវរន្ទះបាញ់ បន្ទាប់មកបងប្អូនដឹកយកមកផ្ទះដើម្បីធ្វើបុណ្យតាមប្រពៃណី៕