Post News Media ព័ត៌មានជាតិ កុងតឺន័រក្រុម...

កុងតឺន័រក្រុមហ៊ុន អ៊ុយ ញ៉ុង បើកធ្លាក់ផ្លូវកៀបតៃកុងរថយន្តស្លាប់!

ចែកចាយបន្ត

ព្រះសីហនុ: លោកស្នងការរងនគរបាលខេត្តព្រះសីហនុ ទទួលផ្នែកចរាចរណ៍បានប្រាប់Post Newsថា យ៉ាងហោចណាស់ មានបុរសម្នាក់ដែលជាតៃកុងឡានបានស្លាប់ បន្ទាប់ពីបើករថយន្តកុងតឺន័រ របស់ក្រុមហ៊ុនអ៊ុយ ញ៉ុង រេចង្កូតធ្លាក់ផ្លូវបណ្តាលឲ្យកៀបស្លាប់។

ហេតុការណ៍នេះកើតឡើងនៅម៉ោង១១យប់ ថ្ងៃទី២១ ខែឧសភា ឆ្នាំ២០១៧ លើផ្លូវជាតិលេខ៤ ចន្លោះគីឡូម៉ែត្រ២០៦-២០៧ ក្នុងភូមិស្មាច់ដែង ឃុំរាម ស្រុកព្រៃនប់ ខេត្តព្រះសីហនុ។

សមត្ថកិច្ចបានឲ្យដឹងថា គ្រោះថ្នាក់ចរាចរណ៍នេះបង្កដោយខ្លួនឯង ដោយរថយន្តដឹកកុងតឺន័រ១គ្រឿង ពណ៌ខៀវ ពាក់ស្លាកលេខ ភ្នំពេញ 3A-6142 ជាកម្មសិទ្ធរបស់ក្រុមហ៊ុន អ៊ុយ ញ៉ុង បើកបរដោយឈ្មោះ ឌុល ភារុណ ភេទប្រុស អាយុ២៦ឆ្នាំ មានទីលំនៅស្រុកកងពិសី ខេត្តកំពង់ស្ពឺ បើកបរទិសដៅពីខេត្តព្រះសីហនុ ឆ្ពោះទៅ ភ្នំពេញ លុះដល់ចំណុចខាងលើ (អ្នកបើកបរងងុយដេក) ក៏ជ្រុលចង្កូតធ្លាក់ផ្លូវខាងឆ្វេងដៃ កៀបតៃកុងស្លាប់តែម្ដង។

ចំណែករថយន្តខាងលើ ត្រូវសមត្ថកិច្ចយកមករក្សាទុកនៅការិយាល័យនគរបាលចរាចរណ៍ផ្លូវគោកផងដែរ៕

ចែកចាយបន្ត