Post News Media ព័ត៌មានជាតិ ក្មេងប្រុសម្ន...

ក្មេងប្រុសម្នាក់ សាកថ្មទូរសព្ទបណ្តើរដោតកាសស្តាប់បទចម្រៀងបណ្តើរ បណ្តាលឲ្យឆ្លងចរន្តឆក់រងរបួសធ្ងន់

ចែកចាយបន្ត

ភ្នំពេញ: ក្មេងប្រុសអាយុ ១៣ឆ្នាំម្នាក់ កំពុងសាកថ្មទូរសព្ទបណ្តើរដោតកាសស្តាប់បទចម្រៀងបណ្តើរ បណ្តាលឲ្យឆ្លងចរន្តអគ្គិសនីឆក់រងរបួសធ្ងន់ធ្ងរ ភ្លាមៗនោះត្រូវបានប្រជាពលរដ្ឋជួយសង្គ្រោះយកទៅកប់ដីខ្សាច់នៅតែមិនដឹងខ្លួន ក៏ដឹកបញ្ជូនតាមរឺម៉កម៉ូតូកង់បីទៅសង្រ្គោះនៅមន្ទីពេទ្យឯកជនទាន់ពេលវេលា។

ហេតុការណ៍ភ្ញាក់ផ្អើលនោះបានកើតឡើងកាលពីវេលាម៉ោង ៩និង៤០នាទីព្រឹក ថ្ងៃទី២២ ខែឧសភា ឆ្នាំ២០១៧ ស្ថិតនៅត្រង់ចំណុចតូបលក់បាយ មុខរោងចក្រកាត់ដេរ មួយកន្លែង យីហោ ព្រីនឆយ នៅតាមបណ្តោយផ្លូវលេខ៥៩៨ ក្រុម៨ ភូមិខ(១) សង្កាត់ច្រាំចំរេះ២ ខណ្ឌឫស្សីកែវ រាជធានីភ្នំពេញ។

ក្មេងប្រុសរងគ្រោះមានឈ្មោះ ណៃ សំណាង អាយុ ១៣ឆ្នាំ មុខរបរ ជាសិស្សថ្នាក់ទី៦ នៅសាលាវិទ្យាល័យ ជា ស៊ីមចំរើនរដ្ឋ ស្នាក់នៅនៅតាមបណ្តោយផ្លូវលេខ៥៩៨ ក្រុម៨ ភូមិខ(១) សង្កាត់ច្រាំចំរេះ២ ខណ្ឌឫស្សីកែវ។

តាមប្រពព័ត៌មានពីកន្លេងកើតហេតុបានឲ្យដឹងថា មុនពេលកើតហេតុ គេបានឃើញក្មេងរងគ្រោះយកឆ្នាំងសាកទូរសព្ទមកដោតចូលក្នុងព្រីភ្លើង រួចយកខ្សែរសាកថ្មដោតបញ្ចូលទូរសព្ទម៉ាក សាំស៊ុង រួចក៏យកកាសដោតចូលទៅទូរសព្ទ ហើយបើកបទចម្រៀងស្តាប់បណ្តើរ បណ្តាលឲ្យចរន្តអគ្គិសនីឆ្លងឆក់ប្រកាច់សន្លប់ស្តូកស្តឹងចេញឈាមតាមម៉ាត់។ ភ្លាមៗនោះត្រូវបានប្រជាពលរដ្ឋដែលរស់នៅក្បែរនោះជួយសែងយកទៅកប់ក្នុងគំនរដីខ្សាច់រយ:ពេលកន្លះម៉ោង នៅតែមិនដឹងខ្លួនក៏បានហៅរឺម៉កម៉ូតូកង់បីដឹកយកទៅសង្គ្រោះបន្ទាន់នៅមន្ទីពេត្យឯកជន មួយកន្លែងដែលនៅក្បែរនោះ។

ប្រភពបានបន្តថា បន្ទាប់ពីបញ្ជូនមកដល់មន្ទីរពេទ្យ ត្រូវបានក្រុមគ្រូពេទ្យជួយធ្វើចរនាចង្វាក់បេះដូងរយ:ពេលជិតកន្លះម៉ោង ទើបក្មេងរងគ្រោះដឹងខ្លួន ហើយក្រុមគ្រូពេទ្យបានប្រាប់ថា កាលពី២ខែមុនធ្លាប់ឆក់ម្តងរួចមកហើយ គិតទៅក្មេងរងគ្រោះបានឆក់លើកនេះជាលើកទី២ហើយ តែសំណាងល្អត្រូវបានក្រុមគ្រូពេទ្យជួយសង្គ្រោះទាន់ពេលវេលាទាំង ២លើក៕