Post News Media ព័ត៌មានជាតិ ក្រោកពីដេកទៅដ...

ក្រោកពីដេកទៅដកឌុយកង្ហាពីព្រីភ្លើងឆក់ប្រកាច់ហើយបានស្លាប់ក្រោយបញ្ជូនដល់មន្ទីរពេទ្យ

ចែកចាយបន្ត

ភ្នំពេញ: ក្មេងប្រុសអាយុ១៤ឆ្នាំម្នាក់ខណ:ក្រោកពីដេកទៅដកឌុយកង្ហាពីព្រីភ្លើងស្រាប់តែឆ្លងចរន្តបណ្តាលឲ្យឆក់ត្រូវបានឪពុកម្តាយដឹកតាមម៉ូតូមកសង្គ្រោះនៅមន្ទីពេទ្យព្រះកុសុម:តែអកុសលបានស្លាប់ក្រោយពីបញ្ជូនដល់មន្ទីពេទ្យ។

ករណីនេះបង្ករភ្ញាក់ផ្អើកាលពីម៉ោង០៨និង៣០នាទីព្រឹកថ្ងៃទី ២២ឧសភា២០១៧នៅការដ្ឋានសំណង់ភូមិច្រេសសង្កាត់ភ្នំពេញថ្មីខណ្ឌសែនសុខរាជធានីភ្នំពេញ។

សពក្មេងរងគ្រោះនោះមានឈ្មោះយឿ យ៉ុត អាយុ១៤ឆ្នាំ មុខរបរនៅផ្ទះស្នាក់នៅការដ្ឋានសំណង់ជាមួយឪពុកម្តាយភូមិច្រេសសង្កាត់ភ្នំពេញថ្មីខណ្ឌសែនសុខរាជធានីភ្នំពេញនិងមានស្រុកកំណើតនៅភូមិឬស្សីជុកឃុំសៀងក្វៀង ស្រុកកំចាយមា ខេត្តព្រៃវែង។

ប្រភពត៌មានបានឱ្យថាយោងតាមសំដីសាច់ញាតិបានប្រាប់ថាមុនកើតហេតុក្រោយពីកុមារាខាងលើក្រោកពីដេកបានទៅដកឌុយកង្ហាចេញពីព្រីភ្លើង(ដែលមានសភាពបែក)ខណ:ដកស្រាប់តែបណ្តាលឲ្យឆក់ប្រកាច់ភ្លាមៗខណ:នោះក្មេងដែលនៅក្បែនោះបានស្រែកហៅឪពុកម្តាយក្មេងរងគ្រោះដែលកំពុងធ្វើការក្បែនោះឲ្យមកជួយនិងដឹកមកសង្គ្រោះនៅមន្ទីពេទ្យព្រះកុសុមះតែអកុសល់ក្មេងខាងលើបានស្លាប់ក្រោយបញ្ជូនមកដល់មន្ទីពេទ្យ។

បច្ចុប្បន្នសពក្មេងខាងលើត្រូវបានឪពុកម្តាយដឹកតាមរថយន្តយកទៅធ្វើបុណ្យតាមប្រពៃណីនៅស្រុកកំណើត៕