Post News Media ព័ត៌មានជាតិ ខ្លាំងមែន! បុ...

ខ្លាំងមែន! បុរស២នាក់ត្រូវក្រុមមិនស្គាល់មុខវាយបម្រុងប្លន់ម៉ូតូ តែត្រូវពួកគាត់វាយតបតវិញ ផ្អើលទាំងកណ្តាលយប់!

ចែកចាយបន្ត

ភ្នំពេញ: ហេតុការណ៍ភ្ញាក់ផ្អើលមួយបានកើតឡើង បន្ទាប់ពីបុរស២នាក់ ត្រូវបានជនមិនស្គាល់មុខមួយក្រុមធ្វើសកម្មភាពវាយ បម្រុងប្លន់យកម៉ូតូ តែមិនបានសម្រេច ត្រូវបានបុរសជនរងគ្រោះទាំង២នាក់វាយតបត ប្រតាយប្រតប់គ្នា ពេញផ្លូវ បង្កឲ្យមានការភ្ញាក់ផ្អើលយ៉ាងខ្លាំង។

ហេតុការណ៍នេះបានកើតឡើងកាលពីវេលាម៉ោង១និង២០នាទីយប់ ថ្ងែទី២៤ ខែឧសភា ឆ្នាំ២០១៧ ស្ថិតនៅតាមបណ្តោយផ្លូវលេខ៣៧១ ស្ថិតក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ។

ប្រភពព័ត៌មានពីជនរងគ្រោះបានឲ្យដឹងថា មុនពេលកើតហេតុ គាត់បានជិះម៉ូតូមួយគ្រឿង ម៉ាកហុងដាសេ១២៥ ពណ៌ខ្មៅ ពាក់ស្លាកលេខ ក្នំពេញ 1GD-0188 ជិះឌុបគ្នា២នាក់ ធ្វើដំណើរតាមបណ្តោយផ្លូវលេខ៣៧១ ក្នុងទិសដៅពីត្បូងទៅជើង ខណ:មកដល់កន្លែងកើតហេតុក្បែរខារ៉ាអូខេមួយកន្លែង ស្រាប់តែមានជនសង្ស័យមួយក្រុមមិនស្តាល់មុខ មានគ្នា៥នាក់ បានជិះម៉ូតូមកពីក្រោយធ្វើសកម្មភាពឆក់ខ្សែករបស់គាត់តែមិនបានសម្រេចគ្រាន់តែដាច់ខ្សែប៉ុណ្ណោះ ស្រាប់តែភ្លាមនោះជនសង្ស័យ ក៏បានឈប់ម៉ូតូនាំគ្នាចុះមកធ្វើសកម្មភាពវាយគាត់បន្ថែមទៀត បំណងប្លន់យកម៉ូតូវិញម្តង តែមិនបានសម្រេច ត្រូវបានពួកគាត់ទាំង២នាក់តដៃវិញ ក៏ប្រតាយប្រតប់គ្នាយ៉ាងខ្លាំង រហូតបង្កឲ្យមានការភ្ញាក់ផ្អើលពេញផ្លូវតែម្តង រហូតមានក្រុមសន្តិសុខដែលយាមនៅខារ៉ាអូខេក្បែរនោះបានឃើញ បានរត់មកធ្វើអន្តរាគមន៍ជួយជនរងគ្រោះទាន់ពេលវេលា ចំណែកក្រុមជនសង្ស័យវិញឃើញសភាពការណ៍មិនសូវស្រួល ក៏បាននាំគ្នារត់គេចខ្លួនបាត់ស្រមោលពីកន្លែងតែម្តង។

ក្រោយពេលកើតហេតុជនរងគ្រោះមិនបានទៅដាក់ពាក្យបណ្តឹងអ្វីនោះទេ រួចបាន ជិះម៉ូតូចេញទៅបាត់ផងដែរ ៕