Post News Media ព័ត៌មានជាតិ ចោរគាស់ផ្ទះ២ន...

ចោរគាស់ផ្ទះ២នាក់ ត្រូវចាប់ខ្លួននិងម្នាក់ទៀតបានរត់រួច

ចែកចាយបន្ត

ភ្នំពេញ: ជនសង្ស័យចោរគាស់ផ្ទះ២នាក់ត្រូវចាប់ខ្លួន និងម្នាក់ទៀតមានសំណាងរត់រួច ក្រោយពេលដែលពួកគេធ្វើសកម្មភាពគាស់ផ្ទះមួយកន្លែងទាំងថ្ងៃ ហើយលួចបានម៉ូតូស៊េរីទំនើប១គ្រឿង ប៉ុន្តែធាក់មិនឆេះ ពួកគេបានជិះម៉ូតូ១គ្រឿងទៀត ដែលជាមធ្យោបាយធ្វើសកម្មភាពរបស់ខ្លួន រុញម៉ូតូដែលលួចបាននោះទៅ លាក់ទុក។ ប៉ុន្តែខណ:នោះត្រូវបានម្ចាស់ម៉ូតូ ដែលកំពុងតាមរកម៉ូតូរបស់ខ្លួន ប្រទះឃើញក៏បានប្ដឹងឲ្យនគរបាលជួយចាប់ខ្លួនបាន២នាក់និងម្នាក់ទៀតគេចខ្លួនទៅបាត់ស្រមោលតែម្ដង។

ហេតុការណ៏នោះបានកើតឡើងកាលពីវេលាម៉ោង២រសៀល ថ្ងៃទី២៤ ខែឧសភា ឆ្នាំ២០១៧ នៅនៅចំណុចផ្ទះជួលមួយកន្លែង ដែលមានទីតាំងស្ថិតនៅក្នុងភូមិត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ។

ជនសង្ស័យទី១ឈ្មោះ នេត ឡេ អាយុ១៤ឆ្នាំ ,ទី២ឈ្មោះ ណាក់ អាយុ២៣ឆ្នាំ ទាំងពីរនាក់នេះត្រូវ ចាប់ខ្លួន និង៣ឈ្មោះ ធូ អាយុ១៥ឆ្នាំ គេចខ្លួនបាត់ ពួកគេទាំអស់គ្នាមានទីលំនៅ ក្បែរវត្តគោកបញ្ជាន់ ស្ថិតនៅក្នុងភូមិចោមចៅ សង្កាត់ចោមចៅ ខណ្ឌពោធិ៍សែនជ័យ។ ដោយឡែកម្ចាស់ផ្ទះ និងជាម្ចាស់ម៉ូតូឈ្មោះ ហុង សូរិយា ភេទប្រុស អាយុ១៩ឆ្នាំ មុខរបរជាកម្មកររោងចក្រកាត់ដេរ ស្នាក់នៅក្នុង ផ្ទះជួលកើតហេតុខាង លើ ហើយម៉ូតូរបស់គេម៉ាកហុងដា MSX ពណ៌ក្រហម បិតស្កុតពណ៌ខៀវ ពាក់ស្លាកលេខ ព្រៃវែង 1J-5649។

នគរបាលបានឲ្យដឹងថា មុនពេលកើតហេតុ ខណ:ដែលជនរងគ្រោះ ទៅធ្វើការបាត់ ក្រុមជនសង្ស័យខាងលើ បានទុកម៉ូតូនៅក្នុងបន្ទប់ផ្ទះជួល ដោយបានបិទទ្វារចាក់សោ បន្ទាប់មកបានទៅធ្វើការបាត់ បានជិះម៉ូតូ១ គ្រឿងឌុបគ្នា៣នាក់ចូលទៅធ្វើសកម្មភាពគាស់ទ្វារផ្ទះ ហើយលួចយកបានម៉ូតូម៉ាកហុងដាMSX១គ្រឿង។ ប៉ុន្តែពេលធាក់មិនឆេះ ពួកគេក៏បានជិះម៉ូតូ ដែលជាមធ្យោបាយ រុញម៉ូតូដែលលួចបាននោះយកទៅលាក់ទុក ចំណែកឯជនរងគ្រោះក្រោយពេលត្រឡប់ មកពីធ្វើការវិញបាត់ម៉ូតូបានតាមរក និងបានប្រទះឃើញជនសង្ស័ទាំង៣នាក់នោះកំពុងរុញម៉ូតូ នៅចំណុចម្ដុំរង្វង់មូលថ្នល់បំបែកចោមចៅ ស្ថិតនៅក្នុងភូមិព្រៃជីសាក់ សង្កាត់ចោមចៅ ក៏បានប្ដឹងនគរបាលឲ្យជួយធ្វើការចាប់ខ្លួនបាន២នាក់ ចំណែកម្នាក់ទៀតបានជិះម៉ូតូ បាត់ដោយសុវត្ថិភាព។

បន្ទាប់មកនគរបាល ហើយបាននាំយកទៅសាកសួរនៅ ប៉ុស្ដិ៍ចោមចៅមួយជំហានរួច ទើបបានប្រគល់បន្តទៅឲ្យនគរបាលប៉ុស្ដិ៍ត្រពាំងក្រសាំង ដើម្បីសួរនាំបន្ត កសាងសំណុំរឿងចាត់ការតាមផ្លូវច្បាប់ និងបានដកហូតបានម៉ូតូឲ្យជនរងគ្រោះវិញ៕