Post News Media ព័ត៌មានជាតិ ឡានដឹកល្ពៅក្រ...

ឡានដឹកល្ពៅក្រឡាប់ផ្ងើរជើង របួសធ្ងន់ស្រាល១១នាក់ នៅឧត្តរមានជ័យ

ចែកចាយបន្ត

ឧត្តរមានជ័យ: ហេតុការណ៍គ្រោះថ្នាក់ចរាចរណ៍មួយបានកើតឡើង ដែលបណ្តាលឲ្យមនុស្ស១១នាក់រងរបួសធ្ងន់និងស្រាល ក្រោយពីរថយន្ត១គ្រឿងម៉ាកកូរ៉េ ពាក់ផ្លាកលេខ កំពង់ចាម ២A-០៨៩២ ដឹកផ្លែល្ពៅ បើកបរសុខៗស្រាប់តែក្រឡាប់។

ហេតុការណ៍បានកើតឡើងនៅវេលាម៉ោង៣និង៣៥នាទីរសៀល ថ្ងៃទី២៤ ខែឧសភា ឆ្នាំ២០១៧ នៅចំណុចស្ពានកណ្តែក លើកំណាត់ផ្លូវជាតិលេខ៦៨ ក្នុងភូមិកណ្តែក សង្កាត់សំរោង ក្រុងសំរោង ខេត្តឧត្តរមានជ័យ។

សមត្ថកិច្ចបានឲ្យដឹងថា ជនរងគ្រោះទាំង១១នាក់មិនទាន់ស្គាល់អត្តសញ្ញាណនៅឡើយទេ បានបញ្ជូនទៅសង្គ្រោះនៅមន្ទីរពេទ្យបង្អែកខេត្ត និងបន្តទៅមន្ទីរពេទ្យខេត្តបាត់ដំបង។

ក្រោយពីកើតហេតុ សមត្ថកិច្ចបានចុះទៅដល់កន្លែងហេតុ និងនាំយករថយន្តខាងលើ មករក្សាទុកនៅស្នងការដ្ឋាននគរបាលខេត្ត៕