Post News Media ព័ត៌មានជាតិ នីសាន់ណាវ៉ារ៉...

នីសាន់ណាវ៉ារ៉ាមួយគ្រឿង បុករបាំងថ្មចែកទ្រូងផ្លូវខ្ទេចទាំងព្រលឹម!

ចែកចាយបន្ត

ភ្នំពេញ: តាមសេចក្តីរាយការណ៍បានឲ្យដឹងថា មានករណីគ្រោះថ្នាក់ចរាចរណ៍មួយបានកើតឡើងដោយមានរថយន្តម៉ាកនីសាន់ណាវ៉ារ៉ា ពណ៌ស ពាក់ស្លាកលេខ ភ្នំពេញ 2V-1466 មួយគ្រឿង បើកបរមិនប្រយត្ន័ទៅបុកនឹងក្បាលនាគចែកទ្រូងផ្លូវពេញទំហឹង ខ្ទាតចេញពីគ្នាបណ្តាលឲ្យរងការខូចខាត។

ហេតុការណ៍នេះបានកើតឡើងកាលពីវេលាម៉ោង៤និង៤៥នាទីព្រឹក ថ្ងៃទី២៧ ខែឧសភា ឆ្នាំ២០១៧ ស្ថិតនៅតាមបណ្តោយផ្លូវសហពន្ធ័រុស្ស៊ី ក្នុងសង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ។

គួរបញ្ជាក់ថាគ្រោះថ្នាក់ចរាចរណ៍នេះមិនបានបណ្តាលឲ្យនរណាម្នាក់របួសនោះទេ ហើយក្រោយកើតហេតុ រថយន្តខាងលើត្រូវបានសមត្ថកិច្ចវាស់វែងយកទៅរក្សាទុកនៅការិយាល័យចរាចរណ៍ជើងគោកនៃស្នងការដ្ឋាននគរបាលរាជធានីភ្នំពេញ ដើម្បីដោះស្រាយគ្នាពេលក្រោយតាមផ្លូវច្បាប់៕