Post News Media ព័ត៌មានជាតិ ឡង់គ្រីស័រពីរ...

ឡង់គ្រីស័រពីរគ្រឿងសាកកម្លាំងគ្នា បណ្ដាលឲ្យរងការខូចខាតមួយគ្រឿងស្ទើរទាំងស្រុង

ចែកចាយបន្ត

ភ្នំពេញ: បើតាមសមត្ថកិច្ច បានឲ្យដឹងថា រថយន្តឡង់គ្រីស័រ មួយគ្រឿងបើកបរ ដោយប្តីប្រពន្ធពីរនាក់ ត្រូវបានរថយន្តម៉ាកឡង់គ្រីស័រ ដូចគ្នា បើករ៉េចង្កូត ជ្រុលមកបុកពីចំហៀងរថយន្តពេញទំហឹង តែម្តង បណ្តាលឲ្យរថយន្តវិលឡើងមួយជុំ រងការខូចខាតស្ទើរតែទាំងស្រុង នៃផ្នែកខាងក្រោយ បន្តទៅមុខលែងរួច។

ហេតុការណ៍នេះ បានកើតឡើងនៅវេលាម៉ោង០២ នឹង៥០នាទីយប់ ថ្ងែទី២៨ ខែឧសភា ឆ្នាំ២០១៧ នៅតាមបណ្តោយផ្លូវលេខ៥៩៨ ក្បែរនឹងបុរី ប៉េង ហួត ស្ថិតក្នុងសង្កាត់បឹងកក់១ ខណ្ឌទួលគោក រាជធានីភ្នំពេញ ។​

យោងតាមប្រភពព៌ត៌មានពីកន្លែងកើតហេតុ បានឲ្យដឹងថា មុនពេលកើតហេតុគេបានឃើញរថយន្តម៉ាក ឡង់គ្រីស័រមួយគ្រឿង ពណ៌​ស បើកបរដោយប្តីប្រពន្ធពីរនាក់ ពាក់ស្លាកលេខ​ភ្នំពេញ2L-9664 បានធ្វើដំណើរតាមបណ្តោយផ្លូវលេខ៥៩៨ ក្នុងទិសដៅពីត្បូងទៅជើង លុះមកដល់ចំណុចកើតហេតុ ក្បែរនឹងបុរី ប៉េង ហួត ក៏មានរថយន្ត ម៉ាក ឡង់គ្រីស័រ មួយគ្រឿងទៀត ពណ៌ស ពាក់ស្លាកលេខភ្នំពេញ2AA-1841 បានធ្វើដំណើរតាមបណ្តោយផ្លូវលេខ៥៩៨ដូចគ្នា ក្នុងទិសដៅពីជើងទៅត្បូង ក្នុងល្បឿនយ៉ាងលឿន ក៏បានរ៉េចង្កូតរថយន្ត ជ្រុលមកបុកចំពីចំហៀងរថយន្ត ឡង់គ្រីស័រ ដែលបើកដោយប្តីប្រពន្ធខាងលើ ពេញទំហឹងតែម្តង បណ្តាលឲ្យរថយន្តវិលឡើងមួយជុំ រងការខូចខាតស្ទើរតែទាំងស្រុង មិនអាចបន្តដំណើរទៅមុខរួចទៀត។ ក្រោយកើតហេតុ រថយន្តបង្ក បានព្យាយាមបើករត់គេចខ្លួន ទាំងរថយន្តបានបែកកង់ខាងឆ្វេង រហូតមកដល់ផ្ទះមួយ ក៏បានបើកទ្វាររថយន្តរត់គេចខ្លួន បាត់ស្រមោលតែម្តងទៅ ដោយទុកឲ្យប្តីប្រពន្ធរងគ្រោះ នៅកន្លែងកើតហេតុ។

ក្រោយពេលកើតហេតុ សមត្ថកិច្ចជំនាញ បានចុះមកធ្វើការវាស់វែង យករថយន្តទៅរក្សាទុក នៅការិយាល័យស្នងការនគរបាលរាជធានីភ្នំពេញ ដើម្បីដោះស្រាយនៅពេលក្រោយ ៕