Post News Media ព័ត៌មានជាតិ Update៖ កម្មក...

Update៖ កម្មករកម្មការិនីជិត៣០នាក់បានដួលសន្លប់និងស្លាប់ម្នាក់ នៅរោងចក្រកាត់ដេរសម្លៀកបំពាក់អាកាសសិត ហ្គាមែន!

ចែកចាយបន្ត

ភ្នំពេញ: នៅវេលាម៉ោង១១ព្រឹក ថ្ងៃទី៣១ខែឧសភា ឆ្នាំ២០១៧ នៅក្នុងរោងចក្រកាត់ដេរ អាកាសសិត មានទីតាំងស្ថិតនៅតាមបណ្តោយផ្លូវជាតិលេខ៣ ភូមិទឹកថ្លា សង្កាត់ក្រាំងពង្រ ខណ្ឌដង្កោ ក្នុងសួនវឌ្ឍន២ មានកម្មការិនីម្នាក់ ឈ្មោះ ខាត់ សាម៉ើ ភេទស្រី អាយុ៤៤ឆ្នាំរស់នៅភូមិរលួស ស្រុកកណ្តាលស្ទឹង ខេត្តកណ្តាល បានដើរដួលនៅក្នុងរោងចក្របណ្តាលឲ្យរបួសបោកក្បាល រួចត្រូវបានក្រុមហ៊ុនបញ្ជូនទៅមន្ទីរពេទ្យ តែជនរងគ្រោះបានស្លាប់នៅតាមផ្លូវ ដោយមានដំណឹងថាកម្មករខាងលើស្លាប់ កម្មករកម្មការិនីដែលធ្វើការនៅក្នុងរោងចក្របានដួលសន្លប់ជាបន្តបន្ទាប់ចំនួនប្រមាណ៣០នាក់។

ក្រោយពេលកើតហេតុក្រុមហ៊ុនបានឲ្យកម្មករកម្មការិនីចេញទៅផ្ទះរៀងៗខ្លួន ចំណែកកម្មករកម្មការិនីដែលដួលសន្លប់ទាំងនេះត្រូវបានក្រុមហ៊ុនកាត់ដេរខាងលើបានដឹកជញ្ជូនតាមរថយន្តរបស់រោងចក្រយកទៅសំរាកព្យាបាលនៅមន្ទីរពេទ្យឯកជនព្រែកកី។

ចំណែកសពស្ត្រីខាងលើត្រូវបានដឹកបញ្ជូនទៅកាន់ស្រុកកំណើតធ្វើបុណ្យតាមប្រពៃណី៕

ចែកចាយបន្ត