Post News Media ព័ត៌មានជាតិ Update៖ យុវជន...

Update៖ យុវជនម្នាក់បានស្លាប់ភ្លាមៗនៅក្រោមកង់រថយន្ត ខណ:ដែលរថយន្តមួយគ្រឿងបុករះរថយន្តនិងម៉ូតូជាច្រើនគ្រឿង

ចែកចាយបន្ត

ភ្នំពេញ: យុវជនម្នាក់បានស្លាប់ភ្លាមៗនៅក្រោមកង់រថយន្ត ខណ:ដែលរថយន្តមួយគ្រឿងម៉ាក់ម៉ុងតារ៉ូ បានបើកបុករះរថយន្តនិងបុកម៉ូតូបន្តបន្ទាប់ កាលពីវេលាម៉ោង៤និង៣០នាទីល្ងាចថ្ងៃទី៣១ ខែឧសភា ឆ្នាំ២០១៧ នៅចំណុចមុខសាលាពេទ្យសុខាភិបាល(សាលាក្រហម) តាមបណ្ដោយផ្លូវព្រះមុន្នីវង្ស សង្កាត់ស្រះចក ខណ្ឌដូនពេញ។

ប្រភពព័ត៌មាន បានឲ្យដឹងថា នៅមុនពេលកើតហេតុ គេឃើញរថយន្តមួយគ្រឿងម៉ាក់ មីស៊ុយបីស៊ី ម៉ុងតារ៉ូ ពាក់ស្លាកលេខ២B-១៩៨១ បើកបរដោយបុរសម្នាក់ ដោយធ្វើដំណើរតាមបណ្ដោយផ្លូវព្រះមុន្នីវង្ស ក្នុងទិសដៅពីជើងទៅត្បូង លុះបើកមកដល់ចំណុចកើតហេតុ បានបុកគូទរថយន្តមួយគ្រឿងម៉ាក់ តូយូតា យ៉ារីស ពណ៍ទឹកប្រាក់ ពាក់ស្លាកលេខភ្នំពេញ ២X-២៥៥១ បណ្ដាលឲ្យកំពិតគូទក្រោយក៏បន្តទៅបុករថយន្តឆ្លាម រួចក៏ទៅប៉ះម៉ូតូសន្ដោងរម៉កបណ្ដាលឲ្យធ្លាក់ក្មេងៗដែលអង្គុយលើរម៉ករងរបួសស្រាល ហើយក៏ទៅបុកម៉ូតូគុបជ្រុង ពណ៌ទឹកសមុទ្រមួយគ្រឿងទៀត បណ្ដាលឲ្យជនរងគ្រោះដែលជិះពីក្រោយរថយន្តកង់ខាងឆ្វេងស្លាប់ភ្លាមៗនៅកន្លែងកើតហេតុតែម្តង ចំណែកអ្នកបើកម៉ូតូគុបត្រូវខ្ទាតចេញរងរបួសជើងបន្តិច។

ប្រភពដដែរ បានបន្តទៀតថា ក្នុងហេតុការណ៍នោះអ្នកបើកបរបង្កហេតុ ត្រូវបានកម្លាំងនគរបាលប៉ុស្តិ៍ស្រះចក ចុះមកអន្តរគមន៍ទាន់ពេលវេលា ដោយឃាត់ខ្លួនបុរសរូបនោះទៅប៉ុស្តិ៍ស្រះចក ដើម្បីធ្វើការសាកសួរនិងប្រគល់ឲ្យនគរបាលចរាចរណ៍ក្រុងចាត់ការតាមច្បាប់ ។

បើកតាមប្រភពព័ត៌មានពីសមត្ថកិច្ច ក៏បានឲ្យដឹងថា បុរសបង្កហេតុឈ្មោះ ហួរ ចាន់ថា អាយុ៥១ឆ្នាំ ជាប៉ូលិសការពារព្រុំដែន ស្នាក់នៅម្ដុំភូមិចំការឪឡឹក សង្កាត់កាកាប ខណ្ឌពោលសែនជ័យ ។ រីឯជនរងគ្រោះ មានឈ្មោះ ស៊ន សៅ ភេទប្រុស អាយុ១៦ឆ្នាំ ស្នាក់នៅភូមិចំឡងជ្រៃ ឃុំស្ដេចគង្គខាងលិច ស្រុកបន្ទាយមាស ខេត្តកំពត។

បច្ចុប្បន្នជនបង្កហេតុនិងរថយន្តរួមទាំងម៉ូតូ ត្រូវបានកម្លាំងនគរបាលជំនាញធ្វើការវាស់វែង ដើម្បីយកទៅរក្សាទុកនៅស្នងការដ្ឋាននគរបាលរាជធានីភ្នំពេញ ចាត់ការតាមនីតិវិធី ៕