Post News Media ព័ត៌មានជាតិ តំណាងអយ្យការស...

តំណាងអយ្យការសម្រេចចោទប្រកាន់ បុរសអូស្ត្រាលីម្នាក់ រឿងបង្ហោះ Drone

ចែកចាយបន្ត

ភ្នំពេញ: បើយោងតាមលោក លី សុផាណា អ្នកនាំពាក្យអយ្យការអមសាលាដំបូងរាជធានីភ្នំពេញ បានឲ្យដឹងតាម Telegram នៅព្រឹកថ្ងៃទី៩ ខែមិថុនា ឆ្នាំ២០១៧ នេះថា លោក សៀង សុខ តំណាងអយ្យការ បានសម្រេចបើកការស៊ើបសួរដោយចោទប្រកាន់លើឈ្មោះ Jame Ricketson ពីបទ ប្រមូលផ្តុំព័ត៌មានដែលអាចធ្វើអន្តរាយការការពារជាតិ តាមមាត្រា ៤៤៦ ក្រមព្រហ្មទណ្ឌ ហើយបញ្ជូនសំណុំរឿងនិងបុគ្គលនេះទៅចៅក្រមស៊ើបសួរដើម្បីចាត់ការបន្ត។

គួររំឭកថា កាលពីថ្ងៃទី៣ ខែមិថុនា ឆ្នាំ២០១៧ កម្លាំងនគរបាលនៃស្នងការដ្ឋាននគរបាលរាជធានីភ្នំពេញ បានឃាត់ខ្លួនបុរសជនជាតិ អូស្រ្តាលីម្នាក់ ឈ្មោះ James Ricketson អាយុ ៦៨ឆ្នាំ ដែលបានចូលក្នុងប្រទេសកម្ពុជាធ្វើសកម្មភាពលួចយកព័ត៌មានដើម្បីយកទៅផ្សព្វផ្សាយនៅក្រៅប្រទេសដោយគ្មានការអនុញ្ញាតពីអាជ្ញាធរមានសមត្ថកិច្ច៕