Post News Media ព័ត៌មានជាតិ ជិះម៉ូតូទៅមុខ...

ជិះម៉ូតូទៅមុខក៏មិនទៅ ក្រោយក៏មិនទៅបែរជាឈប់ឈរឆ្កឹង សមត្ថកិច្ចត្រួតពិនិត្យរកឃើញ…

ចែកចាយបន្ត

ភ្នំពេញ:ស្ទាវចំនួន២នាក់ ស្ទាក់ស្ទើរពេលដែលជិះម៉ូតូ ហាក់ដូចជាមិនចង់ទៅមុខមិនចង់ថយក្រោយ ក៏បានឈប់ម៉ូតូឈរធ្វើមិនដឹងខ្លួន ហើយបានប្រែទឹកមុខស្លេកស្លាំង ក្នុងកាយវិការគួរឲ្យសង្ស័យ ខណ:ពេលដែលឃើញ កម្លាំងសមត្ថកិច្ចជិះល្បាតតាមមូលដ្ឋានលុះពេលត្រួតពិនិត្យនិងឆែកឆេរ ក៏រកឃើញថ្នាំញៀន១កញ្ចប់តូច និងអត្តសញ្ញាណប័ណ្ណ៣ កាតគ្រីម៉ូតូ១ ទើបធ្វើការឃាត់ខ្លួនតែម្តង។ ហេតុការណ៍នេះបានកើតឡើងកាលពីវេលាម៉ោង១០និង៣០នាទី ថ្ងៃទី១៣ ខែមិថុនា ឆ្នាំ២០១៧ តាមបណ្ដោយផ្លូវលេខ១៩៧ ក្នុងសង្កាត់ទំនប់ទឹក ខណ្ឌចំការមន រាជធានីភ្នំពេញ។

ជនសង្ស័យទី១ឈ្មោះ ទិត្យ ឡា ភេទប្រុស អាយុ៣៨ឆ្នាំ មុខរបរអូសរទេះបន្លែនៅផ្សារដើមគរ ស្នាក់នៅមិនពិតប្រាកដ មានស្រុកកំណើតនៅភូមិសំរោង ឃុំសំរោង ស្រុកសំរោង ខេត្តតាកែវ ,ទី២ឈ្មោះ រ៉ា ឌិវ អាយុ ភេទប្រុស អាយុ១៤ឆ្នាំមុខរបរមិនពិតប្រាកដ ស្នាក់នៅមិនពិតប្រាកដ មានស្រុកកំណើតនៅឃុំព្រៃល្វា ស្រុកព្រៃកប្បាស ខេត្តតាកែវ។

ក្នុងនោះដែរ សម្ភារ:ដែលត្រូវបានសមត្ថកិច្ចដកហូតមាន ថ្នាំញៀនប្រភេទម៉ាកទឹកកកចំនួន១កញ្ចប់តូច អត្តសញ្ញាណ៣សន្លឹក កាតគ្រីម៉ូតូចំនួន១ និងម៉ូតូម៉ាកNex ពណ៌ផ្កាឈូកមួយគ្រឿង ដែលមានស្លាកលេខ ភ្នំពេញ1DH-3830 ។

សមត្ថកិច្ចបានឲ្យដឹងថា មុននឹងឈានដល់ការឃាត់ខ្លួនជនសង្ស័យទាំង២នាក់ខាងលើ កម្លាំងនគរបាលយើងបានចុះល្បាតតាមមូលដ្ឋាន ពេលដែលមកដល់ចំណុចខាងលើ ស្រាប់តែឃើញជនសង្ស័យទាំង២នាក់ជិះម៉ូតូម៉ាកNex គ្មានកញ្ចក់ គ្មានមួក ហើយមានកាយវិការមួយគួរឲ្យសង្ស័យក៏បានហៅធ្វើការសាកសួរ និងសុំឆែកឆេរ ក៏បានឃើញថ្នាំញៀន១កញ្ចប់តូច ទើបឃាត់ខ្លួនតែម្តង ហើយបច្ចុប្បន្នជនសង្ស័យទាំង២នាក់ ត្រូវបានសមត្ថកិច្ចប៉ុស្ដិ៍នគរបាលទំនប់ទឹកកំពុងធ្វើការសាកសួរនិងពិនិត្យរកសារធាតុញៀនដើម្បីចាត់ការតាមនិតិវិធីច្បាប់៕

ចែកចាយបន្ត