Post News Media ព័ត៌មានជាតិ ឃាត់ខ្លួនបុរស...

ឃាត់ខ្លួនបុរសម្នាក់ ពាក់ព័ន្ធករណីឃាតកម្មលើក្មេងស្រីអាយុ១៥ឆ្នាំ!

ចែកចាយបន្ត

ក្រចេះ៖ លោក យ៉ាន់ ហ៊ាង អធិការស្រុកចិត្របុរីបានប្រាប់Post Newsថា មានករណីឃាតកម្មមួយបានកើតឡើងលើក្មេងស្រីអាយុ១៥ឆ្នាំ។

ហេតុការណ៍បានកើតឡើងកាលពីវេលាម៉ោង១និង៤៥នាទីរសៀល ថ្ងៃទី១២ ខែមិថុនា ឆ្នាំ២០១៧ មានករណីឃាតកម្មមួយករណីកើតឡើង ត្រង់ចំណុចចំរើន(ក្នុងព្រៃ) ភូមិខ្នាច ឃុំថ្មី ស្រុកចិត្របុរី ខេត្តក្រចេះ។

ជនរងគ្រោះមានឈ្មោះ ហេន លេន ភេទស្រី អាយុ១៥ ឆ្នាំ មានទីលំនៅ ភូមិខ្នាច ឃុំថ្មី ស្រុកចិត្របុរី ខេត្តក្រចេះ។ រីឯជនសង្ស័យមានឈ្មោះ ជាន គា ភេទប្រុស អាយុ២៥ឆ្នាំ មានទីលំនៅ ភូមិខ្នាច ឃុំថ្មី ស្រុកចិត្របុរី ខេត្តក្រចេះ។

បច្ចុប្បន្នជនសង្ស័យត្រូវបានសមត្ថកិច្ចឃាត់ខ្លួន នៅអធិការដ្ឋាននគរបាលស្រុកចិត្របុរី ដើម្បីដោះស្រាយតាមនីតិវិធី៕