Post News Media ព័ត៌មានជាតិ Update៖ អាសូរ...

Update៖ អាសូរណាស់! ស្ត្រីម្នាក់ចងកសម្លាប់ខ្លួន បន្សល់ទុកកូនពីរនាក់ឲ្យកំព្រាម្តាយ

ចែកចាយបន្ត

ភ្នំពេញ: ស្ត្រីម្នាក់បានដាច់ចិត្តចងកសម្លាប់ខ្លួនដោយក្រមានឹងបង្គោលរបងថ្ម បន្សល់ទុកកូន២នាក់ឲ្យរស់នៅកំព្រាម្តាយ។

ហេតុការណ៍ភ្ញាក់ផ្អើលខាងលើនេះបានកើតឡើងកាលពីវេលាម៉ោង៦និង១០នាទីព្រឹក ថ្ងៃទី១៤ ខែមិថុនា ឆ្នាំ២០១៧ ស្ថិតនៅក្នុងភូមិពង្រ សង្កាត់ស្នោរ ខណ្ឌពោធិ៍សែនជ័យ រាជធានីភ្នំពេញ។

ស្ត្រីដែលចងកសម្លាប់ខ្លួននេះមានឈ្មោះ ផៃ សុខន អាយុ៣៦ឆ្នាំ មុខរបរកម្មការិនីរោងចក្រ មានប្តីឈ្មោះ អ៊ីម ប៊ុនលី អាយុ៣៣ឆ្នាំ មុខរបរកម្មករសំណង់ និងមានកូន២នាក់ប្រុសម្នាក់ស្រីម្នាក់ អ្នកទាំអស់គ្នាស្នាក់នៅភូមិកើតហេតុខាងលើ។

ប្រភពព័ត៌មានពីបុរសជាប្តីបានឲ្យដឹងថា នៅមុនពេលកើតហេតុម៉ោងប្រហែល៤និង៣០នាទីទៀបភ្លឺ ប្រពន្ធរបស់ខ្លួនបានភ្ញាក់ដាំបាយហើយប្រាប់ខ្លួនថាឲ្យទៅដេកជិតកូនហើយលោកក៏ទៅដេកជិតកូនហើយលក់មួយភាំង លុះភ្ញាក់ឡើងក៏ស្រវ៉ាអំបោសបោសវាលមុខផ្ទះ តែមិនឃើញប្រពន្ធយូពេក ខ្លួនស្មានថានាងទៅមើលក្មួយព្រោះនៅក្បែរផ្ទះមានបងប្អូនកូនខ្ចីតែពេលលោកទៅអើតមើលផ្ទះបងប្អូនមិនឃើញ ក៏ទៅរកមើលក្បែចង្ក្រានបាយក៏ឃើញនាងចងកស្លាប់បាត់ទៅហើយដោយមិនអស់ចិត្តក្រែងនាងនៅរស់ក៏ប្រញ៉ាប់ស្រាយចេញពីបង្គោលរបងតែនាងបានស្លាបមបាត់ទៅហើយ។ លោកបានបន្តថា ពេលដែលលោកឃើញនិងមានការភ្ញាកផ្អើលនោះគឺម៉ោង៦និង១០នាទីព្រឹក។

តាមប្រភពព័ត៌មានពីប្រជាពលរដ្ឋនៅកន្លែងកើតហេតុបានឲ្យដឹងថា នាងចងកនឹងក្រមាជាមួយបង្គោលរបងថ្ម។

ក្រោយពេលកើតហេតុ សមត្ថកិច្ចមូលដ្ឋាននិងសមត្ថកិច្ចជំនាញបានទៅដល់និងពិនិត្យឃើញថា សពពិតជាបានស្លាប់ដោយចងកបណ្តាលឲ្យស្លាប់ប្រាដកមែន រួចសមត្ថកិច្ចក៏បានប្រគល់សពទៅឲ្យក្រុមគ្រួសារធ្វើបុណ្យតាមប្រពៃណី៕