Post News Media ព័ត៌មានជាតិ តុលាការសម្រេច...

តុលាការសម្រេចឃុំខ្លួន ជនជាតិវៀតណាម២នាក់ពាក់ពន្ធ័រឿងបើកហាងកាហ្វេលក់ភេទ

ចែកចាយបន្ត

ភ្នំពេញ: យោងតាមប្រភពពីសមត្ថកិច្ចនៃនាយកដ្ឋានប្រឆាំងការជួញដូរមនុស្ស និងការពារអនីតិជន ក្រសួងមហាផ្ទៃ បានឲ្យដឹងថា កាលពីរសៀលថ្ងៃទី១៣ ខែមិថុនា ឆ្នាំ២០១៧ម្សិលមិញ លោក ហេង សុខណា ចៅក្រមស៊ើបសួរនៃសាលាដំបូងរាជធានីភ្នំពេញ បានចេញដីកាសម្រេចឃុំខ្លួនជនជាប់ចោទ ជនជាតិវៀតណាម ២នាក់ ពាក់ព័ន្ធករណី បើកហាងកាហ្វេបង្កប់សេវាកម្មផ្លូវភេទ។

យោងតាមប្រភពដដែលបានបញ្ជាក់ថា លោក គុជ គឹមឡុង តំណាងអយ្យការនៃសាលាដំបូងរាជធានីភ្នំពេញបានចោទប្រកាន់ជនជាប់ចោទ ទី១ឈ្មោះ គីម លីវ ភេទស្រី អាយុ ៤៥ឆ្នាំ និងទី២ឈ្មោះ គីម លាង ភេទស្រី អាយុ ៥១ឆ្នាំ ពីបទ សញ្ចារកម្ម ប្រព្រឹត្តនៅចំណុច ហាងកាហ្វេ ផ្ទះលេខ ៣៩៨ ផ្លូវ២៥៥ ភូមិ៣ សង្កាត់បឹងសាឡាង ខណ្ឌទួលគោក រាជធានីភ្នំពេញ យោងតាមមាត្រា ២៨៤ នៃក្រមព្រហ្មទណ្ឌ។

គួររំលឹកថា សមត្ថកិច្ចនាយកដ្ឋានប្រឆាំងការជួញដូរមនុស្ស និងការពារអនីតិជន ក្រសួងមហាផ្ទៃ ឃាត់ខ្លួន កាលពីថ្ងៃទី៩ ខែមិថុនា ឆ្នាំ២០១៧ កន្លងទៅនៅចំណុចហាងកាហ្វេ ផ្ទះលេខ ៣៩៨ ផ្លូវ២៥៥ ភូមិ៣ សង្កាត់បឹងសាឡាង ខណ្ឌទួលគោក រាជធានីភ្នំពេញ៕