Post News Media ព័ត៌មានជាតិ ស្អាតណាស់ បែរ...

ស្អាតណាស់ បែរជាគិតខ្លីដូច្នេះទាំងមិនដឹងមូលហេតុ!…

ចែកចាយបន្ត

កណ្តាល: ហេតុការណ៍ភ្ញាក់ផ្អើលមួយបានកើតឡើង បន្ទាប់ពីនារីម្នាក់ បានធ្វើអត្តឃាតចងសម្លាប់ខ្លួនបណ្តាលឲ្យស្លាប់យ៉ាងអាណោចអាធ័ម។

ហេតុការណ៍នេះបានកើតឡើងកាលពីវេលាម៉ោង៦និង៥នាទី ព្រឹកថ្ងៃទី១៤ ខែមិថុនា ឆ្នាំ២០១៧ ស្ថិតនៅចំណុចភូមិសាម៉ ឃុំដើមឫស ស្រុកកណ្ដាលស្ទឹង ខេត្តកណ្ដាល។

សាកសពជនរងគ្រោះ មានឈ្មោះ នឹម សុខណាវ ភេទស្រី អាយុ១៩ឆ្នាំ រស់
នៅភូមិឃុំកើតហេតុខាងលើ មុខរបរ កម្មករ រោងចក្រកាត់ដេរ។

បើតាមប្រភពព័ត៌មានបានឲ្យដឹងថា មុនពេលកើតហេតុ ជនរងគ្រោះបានទៅធ្វើការ លុះដល់ម៉ោង១១ ជនរងគ្រោះមិនសូវស្រួលខ្លួនបានសុំគេត្រឡប់មកផ្ទះវិញហើយពេលយប់ឡើងជនរងគ្រោះក៏ចូលដេកជាធម្មតា បន្ទាប់មកនៅវេលា
ម៉ោងកើតហេតុខាងលើ បងថ្លៃស្រីរបស់ជនរងគ្រោះឈ្មោះ សន ម៉ារី បានមកហៅជនរងគ្រោះទៅធ្វើការ ព្រោះជនរងគ្រោះជិះម៉ូតូជាមួយបងថ្លៃស្រី និងប្តីគាត់ តែជនរងគ្រោះមិនបានឆ្លើយតបមកវិញទេ រួចបងថ្លៃស្រីបានឡើងលើផ្ទះដើម្បីហៅជនរងគ្រោះទៅធ្វើការ ទើបប្រទះឃើញចងក ស្លាប់បាត់ទៅហើយ។

ក្រោយពីសមត្ថកិច្ចត្រួតពិនិត្យនិងធ្វើកោសល្យវិច័យរួចមកបានឲ្យដឹងថា សពជនរងគ្រោះពិតជាស្លាប់ដោយការធ្វើអត្តឃាតចងចងក នឹងខ្សែរអង្រឹងពណ៌ត្រេអ៊ី ចងនឹងរនងក្នុងបន្ទប់លើផ្ទះពិតប្រាកដមែន ហើយបច្ចុប្បន្នសពជនរងគ្រោះត្រូវបានសមត្ថកិច្ចប្រគល់ទៅឲ្យក្រុមគ្រួសារធ្វើបុណ្យតាមប្រពៃណី៕