Post News Media ព័ត៌មានជាតិ ហាយឡែនឌ័របើកម...

ហាយឡែនឌ័របើកមិនគោរពភ្លើងស្តុប បុកឡិចស៊ីសពេញទំហឹង ផ្អើលទាំងកណ្តាលយប់!

ចែកចាយបន្ត

ភ្នំពេញ: រថយន្តហាយឡែនឌ័រមួយគ្រឿងបើកមិនគោរពភ្លើងស្តុប បានជ្រុលល្បឿនយ៉ាងលឿនទៅបុករថយន្តឡិសស៊ីស៤៧០ ពេញទំហឹង រងការខូចខាតយ៉ាងដំណំ។

ហេតុការណ៍នេះបានកើតឡើងនៅវេលាម៉ោង១០និង៥០នាទីយប់ថ្ងៃទី១៤ ខែមិថុនា ឆ្នាំ២០១៧ ស្ថិតនៅតាមបណ្ដោយផ្លូវម៉ៅសេទុង កែងនិងផ្លូវ១០៥ ក្នុងសង្កាត់បឹងកេងកង៣ ខណ្ឌចំការមន រាជធានីភ្នំពេញ។

បើយោងតាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុគេឃើញបុរសម្នាក់បើករថយន្តបើករថយន្តម៉ាកហាយឡែនឌ័រ ពណ៌ទឹកប្រាក់ ពាក់ស្លាកលេខ ភ្នំពេញ 2Z-7306 តាមផ្លូវម៉ៅសេទុងក្នុងល្បឿនលឿន ខណ:មកដល់ចំណុចកើតហេតុ ផ្លូវបែកជាបួនលូទឹកស្អុយ ក៏បានជ្រុលទៅបុករថយន្តឡិចស៊ីស ពណ៌ស ពាក់ស្លាកលេខ ភ្នំពេញ 2V-8376 បើកតាមផ្លូវ១០៥ ពីលិចទៅកើត ចំចំហៀងខាងឆ្វេងពេញទំហឹង បណ្ដាលឲ្យរថយន្តទាំង២ខូចខាតយ៉ាងធ្ងន់ធ្ងរ តែសំណាងល្អមិនបង្កឲ្យនរណាម្នាក់រងរបួសនោះទេ។

ក្រោយកើតហេតុសមត្ថកិច្ចមូលដ្ឋានទាក់ទងជំនាញមកធ្វើការវាស់វែងយករថយន្តទាំង២គ្រឿង ទៅកាន់ការិយាល័យចរាចណ៍ជើងគោករង់ចាំធ្វើការដោះស្រាយគ្នាពេលក្រោយតាមផ្លូវច្បាប់បន្តទៀត ៕