Post News Media ព័ត៌មានជាតិ ការងារត្រឹមត្...

ការងារត្រឹមត្រូវមិនធ្វើ បែរជាមកធ្វើចោរ មានអីជាប់ខ្នោះសមត្ថកិច្ច!

ចែកចាយបន្ត

កំពង់ចាម: បុរសម្នាក់ឃើញម៉ូតូគេចតទុកនៅមុខផ្ទះចូលលួចជិះយកទៅបាត់ ត្រូវបានសមត្ថកិច្ចក្របួចចាប់ឃាត់ខ្លួន។

ហេតុការណ៍នេះបានកើតឡើងនៅវេលាម៉ោង១និង៣៥នាទីរសៀល ថ្ងៃទី១៤ ខែមិថុនា ឆ្នាំ២០១៧ ត្រង់ចំណុចភូមិឃ្លោយទី១ ឃុំមៀន ស្រុកព្រៃឈរ ខេត្តកំពង់ចាម។

ប្រភពព័ត៌មានបានឲ្យដឹងថា ជនសង្ស័យមានឈ្មោះ សៀម ទូច ភេទប្រុស អាយុ ២៦ឆ្នាំ នៅភូមិព្រៃសង្កែរ ឃុំពាមកោះស្នា ស្រុកស្ទឹងត្រង់ ខេត្តកំពង់ចាម មុខរបមិនពិតប្រាកដ។ រីឯជនរងគ្រោះដែលជាម្ចាស់ម៉ូតូមានឈ្មោះ រុន ចាន់នីម ភេទប្រុស អាយុ២៨ ឆ្នាំ រស់នៅភូមិឃ្លោយទី១ ឃុំមៀន ស្រុកព្រៃឈរ ខេត្តកំពង់ចាម។

ប្រភពដដែលបានបន្តថា មានករណីចោរលួចម៉ូតូម៉ាកសង់សេ១២៥ ពណ៌ខ្មៅ ស៊េរី២០០៣ឡើងតែម ២០០៧ ពាក់ស្លាកលេខ 1A-0313 លេខតួនិងម៉ាស៊ីន 8021593 ជារបស់ឈ្មោះ រុន ចាន់នីម ភេទប្រុស អាយុ២៨ ឆ្នាំ នៅភូមិកើតហេតុខាងលើបានទុកម៉ូតូមុខផ្ទះទាំងកូនសោរ។ បន្ទាប់ពីទទួលព័ត៌មានភ្លាម លោកវរសេនីយ៍ឯក កែវ ស៊ាងហ៊ាន់ អធិការនគរបាលស្រុកព្រៃឈរ បានដឹកនាំនិងបញ្ជាកងកម្លាំងដោយផ្ទាល់ ចុះអន្តរាគមន៍ករណីនេះ រហូតមកដល់ម៉ោង៣និង៤៨នាទី នៅត្រង់ចំណុចវាលស្រែ ក្បែរោងចក្រកាត់ដេរ ឃុំខ្វិតធំ កម្លាំងអធិការដ្ឋាននិងប៉ុស្តិ៍ បានធ្វើការឃាត់ខ្លួនជនសង្ស័យម្នាក់ ឈ្មោះ សៀម ទូច ភេទប្រុស អាយុ ២៦ឆ្នាំ នៅភូមិព្រៃសង្កែរ ឃុំពាមកោះស្នា ស្រុកស្ទឹងត្រង់ ខេត្តកំពង់ចាម មុខរបមិនពិតប្រាកដ ជាមុខសញ្ញាមានដីការបញ្ជាឲ្យចូលខ្លួន ពីបទល្មើសរំលោភសេពសន្ថវ:នៅស្រុកបាធាយ ខេត្តកំពង់ចាម។

បច្ចុប្បន្នជនសង្ស័យ ត្រូវបានកម្លាំងជំនាញនាំខ្លួនមកអធិការដ្ឋាននគរបាលស្រុក ដើម្បីសាកសួរនិងកសាងសំណុំររឿងតាមនីតិវិធីច្បាប់៕

ចែកចាយបន្ត