Post News Media ព័ត៌មានជាតិ បុរសម្នាក់ជិះ...

បុរសម្នាក់ជិះម៉ូតូលឿនមិនប្រុងប្រយ័ត្នជ្រុលទៅបុកម៉ូតូមួយទៀតកំពុងបើកឆ្លងថ្នល់ របួសធ្ងន់ទាំងសងខាង!

ចែកចាយបន្ត

ភ្នំពេញ: បុរសម្នាក់ជិះម៉ូតូយ៉ាងលឿនជាន់ហ្វ្រាំងមិនទាន់ជ្រុលទៅបុកម៉ូតូមួយគ្រឿងទៀតខណ:ជិះឡើងថ្នល់បណ្តាលឲ្យរងរបួសធ្ងន់ទាំ២នាក់។

ហេតុការណ៍គ្រោះថ្នាក់ចររាចរណ៍ខាងលើនេះបានកើតឡើងកាលពីវេលាម៉ោង១២និង១០នាទីថ្ងៃត្រង់ស្ថិតនៅតាមបណ្តោយផ្លូវជាតិលេខ៣ក្នុងភូមិព្រៃកំបុត សង្កាត់ចោមចៅខណ្ឌពោធិ៍សែនជ័យ រាជធានីភ្នំពេញ។

ប្រភពព័ត៌មានបានឲ្យដឹងថា ម៉ូតូដែលបើកដោយបុរសនោះម៉ាកហុនដាឌ្រីមសេ១២៥ស៊េរីឆ្នាំ២០១៤ពណ៌ខ្មៅពាក់ស្លាកលេខពោធិ៍សាត់1F 2720។ ចំណែកម៉ូតូដែលជិះដោយនារីម៉ាកហុនដាឌ្រីមសេ១២៥ស៊េរីឆ្នាំ២០១៥ពណ៌ខ្មៅ ពាក់ស្លាកលេខភ្នំពេញ1CX 5551។

ប្រភព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុ គេឃើញបុរស់ម្នាក់ជិះម៉ូតូយ៉ាងលឿទិសដៅពីត្បូងទៅជើងលុះមកដល់ចំណុចកើតហេតុជាន់ហ្វ្រាំងមិនទាន់ក៏ជ្រុលទៅបុកម៉ូតូមួយគ្រឿងទៀត ដែលជិះដោយនារីម្នាក់ក្នុងទិសដៅពីកើតទៅលិចឡើងផ្លូវជាតិលេខ៣ បណ្តាលឲ្យដួលរងរបួសធ្ងន់ទាំងសងខាង ម៉ូតូក៏រងការខូចខាតទាំសងខាង។

ក្រោយពេលកើតហេតុ ជនរងគ្រោះទាំង២នាក់ស្រីប្រុសត្រូវបានដឹកទៅសង្គ្រោះនៅមន្ទីរពេទ្យព្រះកុសម: ចំណែកម៉ូតូទាំង២គ្រឿងត្រូវបានសមត្ថកិច្ចធ្វើការវាស់វែងយកទៅរក្សាទុកនៅជំនាញចររាចរណ៍នៃអធិការដ្ឋាននគរបាលខណ្ឌពោធិ៍សែនជ័យដើម្បីរងចាំម្ចាស់ដោះស្រាយនៅពេលក្រោយ៕