Post News Media ព័ត៌មានជាតិ ព្រលឹងចុងសក់!...

ព្រលឹងចុងសក់! លឿនដូចហោះ បុករបាំងថ្មពេញទំហឹងលាន់ដូចរន្ទះ ផ្លោងក្រឡាប់ផ្ងារជើងពាក់កណ្តាលផ្លូវ!

ចែកចាយបន្ត

ភ្នំពេញ: បុរសម្នាក់បានបើករថយន្តលឿនដូចហោះ ជ្រុលចង្កូតទៅបុករបាំងថ្ម ចែកទ្រូងផ្លូវបណ្តាលឲ្យរថយន្តក្រឡាប់ផ្ងារជើងឡើងលើ នៅពាក់កណ្តាលផ្លូវ រងការខូចខាតយ៉ាងដំណំ សំណាងល្អម្ចាស់រថយន្តរងរបួសស្រាល។

ហេតុការណ៍គ្រោះថ្នាក់ចរាចរណ៍ខាងលើនេះបានកើតឡើងនៅវេលាម៉ោង៤និង៣០នាទីទៀបភ្លឺ ថ្ងៃទី១៦ ខែមិថុនាឆ្នាំ២០១៧ ទល់មុខក្រុមហ៊ុន ស៊ុនស៊ីមិចកូ តាមបណ្តោយផ្លូវព្រះមុន្នីវង្ស ស្ថិតនៅក្នុងសង្កាត់ផ្សារថ្មី១ ខណ្ឌ៧មករា រាជធានីភ្នំពេញ។

បើតាមប្រភពព័ត៌មានពីកន្លែងកើតហេតុបានឲ្យដឹងថា ម្ចាស់រថយន្តបង្កខាងលើមិនត្រូវបានស្គាល់អត្តសញ្ញាណទេ បើកបរដោយបុរសម្នាក់ ជនជាតិខ្មែរ ក្នុងស្ថានភាពស្រវឹង រថយន្តមានម៉ាក camery ពណ៌ខ្មៅ គ្មានស្លាកលេខ ស៊េរី២០១៥ បើកក្នុងទិសដៅពីត្បូងទៅជើង យ៉ាងលឿន ពេលដែលមកដល់កន្លែងកើតហេតុស្រាប់តែបុករបាំង ចែកទ្រូងផ្លូវបាក់អស់ជាច្រើនកំណាត់ រីឯរថយន្តបានក្រឡាប់ផ្ងារជើងបណ្តាលឲ្យបែកកញ្ចក់រថយន្ត ហៀរប្រេងម៉ាកស៊ីនពេញផ្លូវ ចំណែកម្ចាស់រថយន្តបានរងរបួសស្រាល លូនចេញតាមកញ្ចក់ក្រោយចេញមកក្រៅដោយសុវត្ថិភាព ។

ក្រោយពេលកើតហេតុសមត្ថកិច្ចបានចុះធ្វើការវាស់វែងនិងស្ទូចរថយន្តយកទៅរក្សាទុកនៅនគរបាលចរាចរណ៍ជើងគោករាជធានីភ្នំពេញបណ្ដោះអាសន្ន រង់ចាំម្ចាស់ ចូលខ្លួន ដើម្បីធ្វើការដោះស្រាយគ្នាពេលក្រោយតាមផ្លូវច្បាប់៕

ចែកចាយបន្ត