Post News Media ព័ត៌មានជាតិ ឃាត់ខ្លួនជនសង...

ឃាត់ខ្លួនជនសង្ស័យម្នាក់ មុខសញ្ញាចែកចាយនិងជួញដូរគ្រឿងញៀនខុសច្បាប់

ចែកចាយបន្ត

កណ្តាល: ជនសង្ស័យម្នាក់ ត្រូវបានសមត្ថកិច្ចឃាត់ខ្លួន ពាក់ពន្ធ័ករណីជួញដូរដោយខុសច្បាប់នូវសារធាតុញៀន។
កើតហេតុនៅវេលាម៉ោង៦ និង៣០នាទីល្ងាច ថ្ងៃទី១៦ ខែមិថុនា ឆ្នាំ២០១៧ នៅចំណុចលើផ្លូវលំ ភូមិត្រពាំងជួន ឃុំឆក់ឈើនាង ស្រុកអង្គស្នួល ខេត្តកណ្តាល ។

ជនសង្ស័យឈ្មោះ កែវ សុឡាក់ ភេទប្រុស អាយុ២៤ឆ្នាំ មុខរបរមិនពិតប្រាកដស្នាក់នៅផ្ទះជួល ភូមិត្រពាំងជួន ឃុំឆក់ឈើនាង ស្រុកអង្គស្នួល ខេត្តកណ្ដាល ។ ក្នុងនោះដកហូតបាន ម្សៅក្រាមពណ៌សថ្លាសង្ស័យសារធាតុញៀន ម៉ាទឹកកក ចំនួន៤កញ្ចប់តូច និងទូរសព្ទ១គ្រឿងម៉ាកអាយខល។

មុនឈានដល់ការចាប់ឃាត់ខ្លួនជនសង្ស័យខាងលើ កម្លាំងនគរបាលប៉ុស្តិ៍បែកចាន ស្រុកអង្គស្នួលបានទទួលព័ត៌មានពីមហាជនថា មានមុខសញ្ញាកំពុងជួញដូរសារធាតុញៀននៅចំណុចខាងលើ កម្លាំងប៉ុស្តិ៍ចុះទៅបង្ក្រាបចាប់បានមុខសញ្ញាសង្ស័យម្នាក់ ហើយត្រួតពិនិត្យរកឃើញម្សៅពណ៌សថ្លាសង្ស័យថាសារធាតុញៀន៤កញ្ចាប់តូច។

តាមចម្លើយសារភាពរបស់ជនសង្ស័យខាងលើបានឆ្លើយថា ចំពោះថ្នាំញៀនខ្លួនលក់នោះគឺខ្លួនបានឡើងទៅទិញម្ដុំកន្លែងកាហ្វេរោងកុនគីរីរម្យភ្នំពេញ (មិនស្គាល់ឈ្មោះអ្នកលក់ជិះម៉ូតូសង់កូរ៉េយកមកឲ្យ) ។

បច្ចុប្បន្នជនសង្ស័យ ឃាត់ខ្លួននៅអធិការដ្ឋាននគរបាលស្រុកអង្ដស្នួលដើម្បីបន្តតាមនិតិវិធី៕

ចែកចាយបន្ត