Post News Media ព័ត៌មានជាតិ រថយន្តក្រុងក្...

រថយន្តក្រុងក្រុមហ៊ុនហ្គោលវីអាយភី បុកគ្នាជាមួយរថយន្តកាំម៉ារី បណ្ដាលឲ្យស្លាប់ ០២ នាក់ និងរបួសធ្ងន់ម្នាក់

ចែកចាយបន្ត

បាត់ដំបង: បើតាមសមត្ថកិច្ច បានឲ្យដឹងថា នៅថ្ងៃទី១៧ ខែមិថុនា ឆ្នាំ ២០១៧ វេលាម៉ោង ១២ អធ្រាត្រឈានចូលថ្ងៃទី១៨ ខែមិថុនា មានករណីគ្រោះថ្នាក់ចរាចរណ៍ បង្កទ្បើងរវាងរថយន្តក្រុងរបស់ក្រុមហ៊ុនហ្គោលវីអាយភី បុកគ្នាជាមួយរយន្តកាំម៉ារី បណ្ដាលឲ្យស្លាប់ម្នាក់ភ្លាមៗ នៅនឹងកន្លែងតែម្ដង កើតហេតុនៅត្រង់ចំណុចក្រុមទី៧ ឃុំជ្រៃ ស្រុកថ្មគោល ខេត្តបាត់ដំបង។

រថយន្តក្រុងម៉ាកហ៊ីយ៉ានដាយ ពណ៌កាបោ ពាក់ស្លាកលេខភ្នំពេញ 3B9079 ក្រោយពេលកើតហេតុ ព្រូរបស់រថយន្តក្រុងម្នាក់បានស្លាប់ ឯអ្នកបើកបរវិញ បានរត់គេចខ្លួនបាត់ស្រមោលតែម្ដង ។ ចំណែកឯរថយន្តម៉ាកកាំម៉ារី ពណ៌ខ្មៅ ពាក់ស្លាកលេខបាត់ដំបង 2A5810 អ្នកបើកបរ (ស្លាប់នៅនឹងកន្លែងកើតហេតុ) មិនទាន់ស្គាល់អត្តសញ្ញាណនៅទ្បើយទេ ក្នុងនោះមានអ្នករួមដំណើរជាមួយម្នាក់របួសធ្ងន់។

តាមសមត្ថកិច្ច បានឲ្យដឹងថា រថយន្តក្រុងបើកបរ ក្នុងទិសដៅពីលិចទៅកើត ពេលធ្វើដំណើរមកដល់ចំណុច កើតហេតុខាងលើ បានបុកជាមួយរថយន្តកាំម៉ារីយ៉ាងពេញទំហឹង ដែលបើកបរពីកើតទៅលិច ក្នុងទិសដៅផ្ទុយគ្នា ដោយរថយន្តកាំម៉ារី បានបើកគេចម៉ូតូនៅខាងមុខ រួចចូលទៅកន្លងផ្លូវខាងរថយន្តក្រុង ក៏បុកគ្នាយ៉ាងពេញទំហឹង បណ្ដាលឲ្យស្លាប់ម្នាក់ និងរបួសធ្ងន់ម្នាក់ នៅនឹងកន្លែងកើតហេតុតែម្ដង។

ក្រោយកើតហេតុ រថយន្តទាំងពីរត្រូវបានបញ្ចូនទៅស្នងការដ្ឋាននគរបាលចរាចរណ៍ខេត្តបាត់ដំបង រងចាំដោះស្រាយនៅពេលក្រោយ៕