Post News Media ព័ត៌មានជាតិ ឆក់ទូរសព្ទចំម...

ឆក់ទូរសព្ទចំមន្ត្រីក្រសួងមហាផ្ទៃត្រូវសមត្ថកិច្ចឃាត់ខ្លួន

ចែកចាយបន្ត

ភ្នំពេញ: ជនសង្ស័យម្នាក់ ធ្វើសកម្មភាពឆក់ទូរសព្ទពីមន្ត្រីក្រសួងមហាផ្ទៃម្នាក់ រត់មិនរួចត្រូវសមត្ថកិច្ចនគរបាលខណ្ឌ៧មករា ធ្វើការឃាត់ខ្លួនកាលពីវេលាម៉ោង៩និង៣០នាទី ថ្ងៃទី១៧ ខែមិថុនា ឆ្នាំ២០១៧ ស្ថិតនៅចំណុច ក្នុងវត្តសំពៅមាស ផ្លូវ ១៦១ សង្កាត់បឹងព្រលឹត ខណ្ឌ៧មករា រាជធានីភ្នំពេញ។

សមត្ថកិច្ចបានឲ្យដឹងថា ជនសង្ស័យដែលឃាត់ខ្លួនបាន មានឈ្មោះ ហម រ៉ាឌី ភេទ ប្រុស អាយុ៣១ឆ្នាំ មុខរបរមិនពិតប្រាកដ ស្នាក់នៅផ្ទះលេខ៣៧អឺ០ ផ្លូវលេខ១៩៨ សង្កាត់បឹងព្រលឹត ខណ្ឌ៧មករា។

វត្ថុតាងដកហូត ៖ ម៉ូតូម៉ាកTODAY ពណ៌ប្រផេះ ពាក់ស្លាកលេខ ភ្នំពេញ 1ET- 88149 ចំនួន១ គ្រឿង។

ជនរងគ្រោះឈ្មោះ ទេព សារ៉ាត ភេទស្រី អាយុ៤៥ឆ្នាំ ស្នាក់នៅ ផ្ទះលេខ ៧១ ផ្លូវ ២៧១ សង្កាត់ ទឹកថ្លា ខណ្ឌ សែនសុខ មុខរបរមន្ត្រីក្រសួងមហាផ្ទៃ។សម្ភារ:បាត់បង់ ៖ ទូរសព្ទដៃម៉ាក អូប៉ូ ពណ៌មាស ១ គ្រឿង។

នៅថ្ងៃកើតហេតុខាងលើ ជនរងគ្រោះបានយកចង្ហាន់ មកប្រគេន ព្រះសង្ឃ នៅវត្តសំពៅមាស ជនសង្ស័យកំពុងអង្គុយ លេងក្នុងវត្ត ឃើញជនរងគ្រោះ កំពុងនិយាយទូរសព្ទពេលនិយាយ ចប់ជនរងគ្រោះ បានទុកទូរសព្ទនៅលើតុ ស្រាប់តែជនសង្ស័យ បានមកឆក់យកទូរសព្ទពីដៃ ហើយរត់គេចខ្លួន ជនរងគ្រោះបាន ស្រែកចោរ ៗ ពេលនោះប្រជាពលរដ្ឋ បានឃើញជនសង្ស័យរហូតដល់ម៉ោង៥ល្ងាច ក៏ប្តឹងសមត្ថកិច្ចឲ្យឃាត់ខ្លួន ។

បច្ចុប្បន្ន វត្ថុតាងដកហូត និងជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌ៧មករា ដើម្បីកសាងសំណុំរឿងបញ្ជូនខ្លួនទៅកាន់តុលាការចាត់ការតាមផ្លូវច្បាប់៕