Post News Media ព័ត៌មានជាតិ របួសធ្ងន់ស្រា...

របួសធ្ងន់ស្រាល៥នាក់ក្នុងករណីគ្រោះថ្នាក់ចរាចរណ៍ បង្កឡើងរវាងម៉ូតូនិងម៉ូតូ!

ចែកចាយបន្ត

កណ្ដាល: ហេតុការណ៍គ្រោះថ្នាក់ចររាចរណ៍មួយរវាងម៉ូតូនិងម៉ូតូបណ្តាលឲ្យមានអ្នករងរបួសធ្ងន់ស្រាល៥នាក់។

ហេតុការណ៍បានកើតឡើងនៅវេលាម៉ោង៦និង៣០នាទីល្ងាច ថ្ងៃទី១៧ ខែមិថុនា ឆ្នាំ២០១៧ នៅលើកំណាត់ផ្លូវខេត្ត៣៨១ ចំណុចភូមិព្រែកតាគង់ ឃុំព្រែកតាមាក់ ស្រុកខ្សាច់កណ្ដាល ខេត្តកណ្ដាល។

ប្រភពព័ត៌មានបានឲ្យដឹងថា ហេតុការណ៍នេះបង្កឡើងដោយម៉ូតូមួយគ្រឿងម៉ាក NIGHTHAWK ធុនC250 ពណ៌ទឹកប្រាក់ ពាក់ស្លាកលេខ ភ្នំពេញ 1BW-3438 បើកបរដោយឈ្មោះ វ៉ាង សាវី ភេទប្រុស អាយុ៣៣ឆ្នាំ នៅភូមិព្រែកថ្មី ឃុំព្រែកអញ្ចាញ ស្រុកមុខកំពូល ខេត្តកណ្ដាល (ជនជាតវៀតណាម) រងរបួសធ្ងន់បាក់ដៃស្ដាំ បើកបរនៅក្នុងទិសដៅពីជើងទៅត្បូង រួមដំណើរម្នាក់ឈ្មោះ ថុង វឹងស៊ាន់ ភេទប្រុស អាយុ៤៤ឆ្នាំ នៅភូមិព្រែកថ្មី ឃុំព្រែកអញ្ចាញ ស្រុកមុខកំពូល ខេត្តកណ្ដាល(ជនជាតិវៀតណាម) លុះមកដល់ចំណុចកើតហេតុខាងលើបានបុកជាមួយម៉ូតូមួយគ្រឿងម៉ាក Pulsar ធន់C200 ពណ៌ខ្មៅ ពាក់ស្លាកលេខ ភ្នំពេញ 1FB-5554 បើកបរដោយឈ្មោះ ប៉ោង ជាយដែន ភេទប្រុស អាយុ២៧ឆ្នាំ នៅភូមិព្រែកពោធិ៍ ឃុំស្វាយពោធិ៍ ស្រុកស្រីសន្ធរ ខេត្តកំពង់ចាម (របួសធ្ងន់បាក់ម្រាមដៃស្ដាំ)បើកបរនៅក្នុងទិសដៅពីត្បូងទៅជើង រួមដំណើរម្នាក់ឈ្មោះ ធួក អឿន ភេទស្រី អាយុ៣៣ឆ្នាំ នៅភូមិឃុំជាមួយគ្នា។ ម៉ូតូម៉ាកNIGHTHAWKនោះបានជ្រុលទៅបុកជាមួយនិងកង់មួយគ្រឿងទៀតដែលកំពុងឆ្លងផ្លូវបណ្ដាលឲ្យរងរបួសធ្ងន់ឈ្មោះ ជា គឹមឈាន់ ភេទប្រុស អាយុ៩ឆ្នាំ នៅភូមិ ព្រែកតាគង់ ឃុំព្រែកតាមាក់ ស្រុកខ្សាច់កណ្ដាល ខេត្តកណ្ដាល ជិះកង់នៅក្នុងទិសដៅពីលិចទៅកើត(រងរបួសធ្ងន់បែកក្បាលនិងដាច់សាច់កែងជើង) មូលហេតុ អ្នកបើកបរម៉ូតូបង្កបើកបរនៅក្នុងល្បឿនលឿនមិនប្រកាន់ស្ដាំ។

ករណីនេះបណ្ដាឲ្យរងរបួស៥នាក់ ធ្ងន់៤នាក់ប្រុស ស្រាលម្នាក់ស្រី។ ចំណែកសំភារ:ត្រូវបានសមត្ថកិច្ចយកមករក្សារទុកនៅអធិការដ្ឋាននគរបាលស្រុកដើម្បីរង់ចាំការដោះស្រាយ៕