Post News Media ព័ត៌មានជាតិ លោកដូចគ្នាសោះ...

លោកដូចគ្នាសោះគ្រាន់តែចាក់ធម៌លឺៗ ខឹងសឹងមិនលក់ទាញកាំបិតកាប់ ម្ខាងរបួសធ្ងន់ម្ខាងចូលគុក

ចែកចាយបន្ត

បាត់ដំបង: សកម្មភាពប្រើប្រាស់អាវុធដោយចេតនាទៅលើព្រះសង្ឈដូចគ្នាដោយសារតែជនរងគ្រោះចាក់ធម៌ខ្លាំងធ្វើឱ្យជនបង្កសឹងមិនលក់ ក៏បង្កជាហិង្សាទៅលើជនរងគ្រោះ បណ្តាលឱ្យរងរបួសថ្ពាល់ទាំងសងខាង។​

ហេតុការណ៍នេះកើតឡើងនៅថ្ងៃទី២០ ខែមិថុនា ឆ្នាំ២០១៧ វេលាម៉ោង១និង១៥នាទីរំលងអាធ្រាត្រ នៅចំណុចក្រុមទី១ ក្នុងបរិវេណវត្តរូងជ្រៃ ភូមិរូងជ្រៃ ឃុំរូងជ្រៃ ស្រុកថ្មគោល ខេត្តបាត់ដំបង។

ជនរងគ្រោះជាព្រះសង្ឈ ព្រះនាម ស្រែ ស្រស់ ហៅ ឆក ព្រះជន្ម៣៧ព្រះវស្សា មានទីលំនៅ ភូមិកំពង់ព្រះ ឃុំកំពង់ព្រះ ស្រុកសង្កែ ខេត្តបាត់ដំបង​ ចំណែកជនបង្កជាព្រះសង្ឃព្រះនាម ធី បូរី ព្រះជន្ម២៥ព្រះវស្សា មានទីលំនៅ ភូមិបឹងអាជាង ឃុំកំរៀង ស្រុកកំរៀង ខេត្តបាត់ដំបង។

តាមប្រភពព័ត៌មានបានឱ្យដឹងថា ព្រះសង្ឈទាំង២អង្គខាងលើ មានទំនាស់ជាមួយគ្នា២ថ្ងៃម្តងរួចមកហើយ រឿងចាក់ធម៌ខ្លាំង ដែលធ្វើឱ្យព្រះសង្ឈបង្កសឹងមិនលក់ ក៏បង្កជាហិង្សាដោយចេតនាមានអាវុធលើព្រះសង្ឃជាជនរងគ្រោះ បណ្តាលឲ្យរងរបួសថ្ពាល់សងខាង ក្រោយពីធ្វើសកម្មភាពរួចព្រះសង្ឈបង្ករត់គេចខ្លួនបាត់។

ក្រោយមក បន្ទាប់ពីជំនាញនិងកម្លាំងប៉ុស្តិ៍បានធ្វើការស្រាវជ្រាវរុករកព្រះសង្ឈដែលជាជនបង្កខាងលើ បានរកឃើញនិងឃាត់ខ្លួន (ផ្សឹក) ដើម្បីចាត់ការទៅតាមនិតិវិធីច្បាប់៕