Post News Media ព័ត៌មានជាតិ ខណ្ឌសែនសុខនិង...

ខណ្ឌសែនសុខនិងពោធិ៍សែនជ័យ! មិនទាន់មានភ្លើងប្រើវិញទេ

ចែកចាយបន្ត

ភ្នំពេញ: យោងតាមការជូនព័ត៌មានបន្ថែមពីអគ្គិសនីកម្ពុជា បានឲ្យដឹងថា ករណីដាច់ចរន្តអគ្គិសនីពីអនុស្ថានីយទី៣(GS3-F19) មូលហេតុដោយសារមានកំហូចខ្សែបណ្តាញតង់ស្យុងមធ្យម(MV)ក្រោមដី ដែលបណ្តាលឲ្យដាច់ចរន្តអគ្គិសនីនៅទីតាំងមួយចំនួនដែលស្ថិតនៅ៖ ១.ផ្លូវលេខ២០០៤ ភូមិត្រពាំងឈូក,ផ្លូវ ឌួងងៀប ភូមិស្លែងរលើង សង្កាត់ទឹកថ្លា ខណ្ឌសែនសុខ ,ទី២ ផ្លូវវេងស្រេង ភូមិចោមចៅ ភូមិត្រពាំងថ្លឹង ភូមិថ្មគោល ភូមិគោកចំបក់ ភូមិព្រៃល្វា និងភូមិព្រៃសណ្តែក សង្កាត់ចោមចៅ ខណ្ឌពោធិ៍សែនជ័យ និងទី៣ ភូមិត្រពាំងល្វា សង្កាត់កាកាប ខណ្ឌពោធិ៍សែនជ័យ រាជធានីភ្នំពេញ។

ក្រុមការងារបច្ចេកទេសកំពុងធ្វើការជួសជុល ដើម្បីភ្ជាប់ចរន្តជូនអតិថិជនប្រើប្រាស់ឡើងវិញនៅវេលាម៉ោង៣ និង៣០នាទីរសៀល៕